Новости за 19.09.2019

Од амбасадата на САД во Босна и Херцеговина соопштија дека се загрижени поради изнесените ставови во Декларацијата на СДА со која се заговараат уставни промени и воспостување Република БиХ, наведувајќи дека Дејтонскиот договор и Уставот на БиХ на ниту еден ентитет не му даваат право на отцепување. Исто така се оценува дека секоја промена на внатрешното организирање на БиХ мора да биде усвоена во согласност со постапките утврдени со Уставот за што е потребна поддршка од сите конститутивни народи.

Специјалниот претставник на САД за западен балкан Метју Палмер изјави дека следната косовска влада мора да биде подготвена да ги суспендира царините кои, како што наведе, „се пречка за продолжување на дијалогот меѓу Белград и Приштина“. Тој додаде дека САД се надеваат оти на укинувањето на санкциите Србија ќе одговори со прекин на кампањата за повлекување на признавањата на Косово.

Денеска, како што е најавено, во македонската влада ќе биде одржан конститутивен состанок на Акциската група за координација на институциите на државата за борба против дезинформации и напади на демократијата. На состанокот ќе се обратат шефот на државата Стево Пендаровски, претседателот на Собранието Талат Џафери и премиерот Зоран Заев.

Ќе биде променливо облачно со повремени врнежи од дожд и локална појава на грмежи. Ќе дува умерен, повремено засилен северен ветер што ќе предизвика опаѓање на температурите. Утринската температура ќе се движи од 7 до 15, а дневната од 18 до 28 степени. Во Скопје и околината слично време. Утринската температура ќе биде околу 12, а дневната ќе достигне до 24 степени.

Министерот за надворешни работи Никола Димитров во соочување со потпретседателот на ВМРО-ДПМНЕ Александар Николовски во вечерашната анализа на Телевизија 24 изјави дека воопшто не е инволвиран во случајот „Рекет“, апелирајќи до Николовски во политичката битка опозициската партија да има доза на пристојност и внимателност.  „Обидот со лаги да ме извалкате или да ме пикате во „Рекет“ е безобразен. Милиметар немам со таа приказна. Планината што доаѓа по датумот за преговори е токму да се справиме со оваа грозна спрега на подземјето. Читать дальше...