Новости за 13.11.2019

Венеција се соочува со најголемата поплава во последните 50 години. Брановите синоќа достигнале 187 сантиметри, поплавувајќи скоро 90 проценти од градот и го активираше алармот за поплави, соопшти денеска италијанскиот Центар за набљудување на плимата и осеката. Највисокото ниво досега забележано е 198 сантиметри во 1966 година. Властите соопштија дека еден човек загинал, но не ја соопштија причината, а италијанските медиуми објавија дека човекот загинал од струен удар кога водата навлегла во неговиот дом. Читать дальше...

Најмалку седум луѓе загинале, а многумина се повредени кога експлодирала автомобил-бомба во Кабул, за време на утринскиот сообраќаен метеж. Автомобил-бомбата експлодирала во близина на авганистанското Министерство за внатрешни работи во Кабул, соопштија властите. Засега ниедна група не презеде одговорност за нападот Полициските власти соопштија дека сите загинати биле цивили и велат дека е можно бројот на жртви да се зголеми, оти засега имаат само првични информации.

Поранешниот премиер, а сега азилант во Будимпешта, Никола Груевски нема да се гони за случајот „Траекторија“, оти настанала апсолутна застареност на делото. Случајот кој се однесува на барањето процент за изградба на кинеските автопати застарел, оти поминале шест години од кога е сторено делото, а немаше правосилна пресуда. Сега државата ќе треба да ги плати сите трошоци поврзани со оваа постапка против Груевски. Случајот што го покрена СЈО, го водеше обвинителката Лиле Стефанова но таа не ја коментираше... Читать дальше...

Генералниот секретар на ВМРО-ДПМНЕ, Игор Јанушев ќе биде шеф на Републичкиот изборен штаб на претстојните предвремени парламентарни избори, било одлучено на седницата на Извршниот комитет на ВМРО-ДПМНЕ. Јанушев до следната седница на Комитетот треба да предложи состав на Изборниот штаб. На состанокот членовите на ИК ги анализирале и досегашниот тек на акцијата „Обнова на Македонија“ и проблемите со кои се соочуваат граѓаните кои им се обратиле.

Европскиот парламент на денешната пленарна седница ќе расправа по повод 30-годишнината од падот на Берлинскиот ѕид. Европарламентот ќе се осврне и врз за злосторства врз новинарите.

Комитетот за разузнавање на Претставничкиот дом на американскиот Конгрес денеска ќе го започне сослушувањето на клучните фигури во аферата со Украина, а во врска со импичментот на претседателот Доналд Трамп. Меѓу поканетите се американскиот специјален претставник за Украина Вилијам Тејлор, заменик помошникот државен секретар Џорџ Кент и поранешната американска амбасадорка во Украина Мари Јованович. Станува збор за јавни расправи, потег со кој се прекинува фазата на сослушвања зад затворена врата и... Читать дальше...

Случајот „Рекет“ влегува во суд на трети декември. Од опозицијата пак велат дека будно ги следат случувањата и ќе го проценат „вистинскиот момент кога ќе одиме со некој следен чекор“.

Турскиот претседател Реџеп Таип Ердоган денеска во Белата куќа ќе разговара со американскиот претседател Доналд Трамп. Тој пред заминувањето за Вашингтон изјави дека на Трамп ќе му каже дека Соединетите држави не го исполниле својот договор за отстранување на сириската курдска милиција од регион по должината на сириско - турската граница. „Не може да се каже дека терористите се повлекоа од појасот во северо-источна Сирија“, рече Ердоган.

Македонскиот претседател Стево Пендаровски ќе учествува на прославата на 75 годишнината од победата во Втората светска војна на 9 мај идната година во Москва по покана од рускиот претседател Владимир Путин, јави руската новинска агенција ТАСС. „Еден од главните принципи на нашата држава е борбата против фашизмот. Значи, секако ќе бидам таму“, изјави Пендаровски за време на средбата со шефот на руската дипломатија Сергеј Лавров на маргините на Парискиот мировен форум. Лидерите на Индија, Куба, Франција, Чешка, Венецуела, Белорусија. Читать дальше...

Министерот за надворешни работи на Германија Хајко Мас во текот на денешната работна посета на Северна Македонија, како што е најавено, ќе има средби со претседателот Стево Пендаровски и со шефот на македонската дипломатија Никола Димитров. На заедничка иницијатива на германското Министерство за надворешни работи и претседателот на Северна Македонија ќе се одржи дебата на тема „Тековни состојби и предизвици во реформите во сферата на правната држава“.

Илјадници американски земјоделци кои побрзаа да ја садат веќе легализираната марихуана со надеж дека ќе заработат, сега не можат да најдат купувачи. Познавачите велат дека првата легална реколта ги разочара одгледувачите.

Ќе биде претежно облачно со врнежи од дожд и со повремено засилен југоисточен ветер. Врнежите од изутрина ќе се преместуваат кон исток каде што ќе се пообилни. Утринската температура ќе биде од седум до 15, а дневната од 11 до 19 степени. Во Скопје и околината слично време. Утринската температура ќе биде околу 12, а дневната ќе достигне до 17 степени.