Новости за 15.11.2019

На само два месеца до формирањето на техничка Влада, власта распишува стотици огласи за вработување, кое опозицијата го третира како предизборен поткуп. Забележлива е контрадикторноста во најавите дека вишокот административци ќе им се нудат на приватниците, ама вработувањата нема да престанат.

Потпретседателката на Сенатот на Боливија Хенин Ањес која се прогласи за претседателка на таа држава изјави дека поранешниот претседател Ево Моралес не може да се кандидира на кои било наредни избори, но оти неговата партија може да го стори тоа. Таа додаде дека Движењето за социјализам на Моралес може да бара други кандидати, но не и поранешниот претседател кој се засолни во Мексико. Моралес во неделата поднесе оставка по неколку месечните масовни демонстрации поради наводната кражба на изборите одржани на 20 октомври.

Претседателскиот кандидат Зоран Милановиќ изјави дека одлуката да се одржат избори за претседател на Хрватска на 22 декември е „кражба и срамота“, оценувајќи дека цел на премиерот Андреј Пленковиќ е да се спречат граѓаните да изберат „подобра Хрватска“. Милановиќ верува дека на тој начин владејачката Хрватска демократска заедница сака да го намали бројот на граѓани кои ќе излезат на гласање и во првиот круг на 22 декември и во вториот круг на 5 јануари, бидејќи семејствата тогаш најверојатно ќе бидат на одмор. Читать дальше...

Кинескиот претседател Си Џинпинг изјави дека неодамнешните „незаконски и насилни“ активности во Хонг Конг „сериозно го загрозија општествениот поредок“, поткопувајќи го принципот „една земја два система“ во тој град. Продемократските демонстранти неколку дена го парализираат Хонг Конг со барикади и собири. Си рече дека е неопходно што поскоро да запре насилството и да се воведе ред и мир во градот. Протестите почнаа во јуни поради веќе суспендираниот предлог закон за екстрадиција кој предвидува израчување осомничени на Пекинг. Читать дальше...

Северна Кореја го нарече поранешниот американски потпретседател и водечки претседателски кандидат на демократите Џо Бајден „бесно куче“ кое „мора да биде со истепано со стап до смрт и оти тоа ќе биде од полза и за САД“. Ова е невообичаен јазик за коментарите на официјалната севернокорејска новинска агенција. Бајденовиот изборен штаб деновиве објави рекламен спот со кој се напаѓа претседателот Доналд Трамп дека се сретнува со тирани, меѓу кои и севернокорејскиот лидер Ким Џонг Ун.

Властите на Самос, грчки остров на првата линија на миграција од Турција, предупредуваат за евентуални немири доколку итно не бидат решени, како што велат, „примитивните“ услови во пренатрупаниот камп на островот.

Американскиот државен секретар Мајк Помпео изјави во Вашингтон дека САД ќе продолжат да ја предводат борбата против џихадистите на Исламската држава. Тој ги повика европските членки во коалицијата да ги прифатат и процесуираат нивните граѓани заробени во Ирак и Сирија. На шефовите на дипломатиите на околу 30 земји, членки на коалицијата на состанокот во Вашингтон Помпео им рече дека императив е тие лица да бидат изведени пред суд поради направените злосторства.

Ќе биде сончево со мала до умерена облачност и слаб до умерен ветер од јужен правец. По одделни котлини ќе има услови за појава на утринска магла. Утринската температура ќе биде од еден до 10, а дневната од 12 до 21 степен. Во Скопје и околината слично време. Утринската температура ќе биде околу шест, а дневнта ќе достигне до 18 степени.