په ارزګان کې د بهرنیو ځواکونو په حملو کې ۱۱ طالبان وژل شوي
د ارزګان ولايت امنيتي چارواکي وايي، په راکټي حملو کې ١١ وسله وال طالبان وژل شوي دي.
د دوى په خبره دغه وسله وال د بهرنيو ځواکونو په هغو راکټي حملو کې وژل شوي چې تېره شپه د مرکز ترينکوټ او چورې ولسوالۍ پر ځينو سيمو ويشتل شوي دي.
په دې منځ کې د ٣ نورو وسله والو د ټپي کېدو خبر هم ورکړل شوى دى.
په ارزګان کې د ملي اردو د څلورمې پلې لېوا قوماندان ډګروال رحمت شاه قيمتي نن ازادي راډيو ته وويل:
"دا د بهرنيو ځواکونو رهبري شوي راکټونه وو چې د دښمن د سوق او ادارې پر ځينو محلاتو يې توغولي دي."
وسله والو طالبانو په دې اړه تبصره نه ده کړې.