په غزني کې دوو جلا بریدونو یو پولیس او یو ملکي وګړی وژلي
په غزني ولایت کې دوو جلا بریدونو یو پولیس او یو ملکي وګړی وژلي دي.
د غزني د والي ویاند محمد عارف نوري نن ازادي راډیو ته وویل نا معلومو وسله والو د غزني په مرکز کې پر پولیسو ډزې وکړې چې یو پولیس يې مړ او بل يې ټپي کړ.
د نوموړي په خبره په جغتو ولسوالۍ کې د وسله والو لخوا د هاوان په مرمیو یو دولس کلن هلک وژل شوی او یو بل ملکي وګړی ژوبل شوی دی.
په غزني ولایت کې دولت ضد وسله والو تر اوسه ددې پېښو په اړه څه نه دي ویلي.