استرالیا پرله پسې د کرکټ په پنځمو لوبو کې پاکستان ته ماته ورکړه
د استرالیا کرکټ لوبډلې د پنځو لوبو په لړۍ کې په پرله پسې ډول په پنځمې لوبه کې هم پاکستان ته ماته ورکړه.
د استرالیا لوبډلې په خپلې وروستۍ دغه پنځوس اوریزه لوبه کې پاکستان لوبډلې ته د ٢٠ منډو په توپیر سره ماته ورکړه او د پنځو لوبو سیریز یې وګاټه.
استرالیا لومړی بیټنګ وکړ او په پنځوسو اورونو کې یې ٣٢٧ منډې وکړی، خو پاکستان یې په ځواب کې د ٧ لوبغاړو په سوځېدو سره ٣٠٧ منډې جوړې کړې.
د یادونې وړ ده چې دا په یو ورځنیو لوبو کې د استرالیا پرله پسې اتمه کامیابي ده.