شمالي کوریا: کیم جونګ اون د ګڼو وسلو د ازموینو ننداره وکړه
شمالي کوریا دا توغندي یوه ورځ وروسته له دې وتوغول چې جنوبي کوریا، جاپان او د امریکا متحدو ایالتونو وویل چې پیونګ یانګ یو شمېر لنډواټنه توغندي د جاپان د سمندرګي خوا ته ویشتي دي.
د کوریا مرکزي خبري اژانس وویل چې کیم د توغندو د ویشتلو امر ورکړ او د دې لپاره یې د جنګي وړتیا د زیاتېدا پر اړتیا ټینګار وکړ چې د یرغلګرو او ګواښونو په وړاندې د شمالي کوریا د سیاسي حاکمیت او پر ځان د اقتصادي بسیاینې دفاع وکړي.
د شمالي کوریا له لوري په دې اړه وړاندې شوي معلومات څرګند نه دي.