له شمالي کوریا د ملګرو ملتونو د ۷۰ غړو هېوادونو غوښتنه!
د نړۍ اویا هېوادو له شمالي کوریا وغوښتل چې له اټمي وسلو، بالستیک توغندیو او د دې له اړوندو پروګرامو چې د نړۍ سولې ته بېځایه ستر ګواښ دی، لاس واخلي.
د امریکا متحدو ایالتونو، جنوبي کوریا، د اسیا، لاتینې امریکا، افریقا او اروپا یو شمېر هېوادونو پرون دا پرېکړه لیک چې طرحه یې فرانسې وړاندې کړې وه، لاسلیک کړ.
روسیې او چین چې د شمالي کوریا متحدان دي، د دې سند له لاسلیکه ډډه وکړه.
شمالي کوریا تېره اوونۍ دوه ځله د لنډ واټن توغندیو ازموینې وکړې.