پلوسي: ټرمپ په انتخاباتو کې د روسیې د مداخلې د پټېدو هڅه کوي
د امریکا د متحد ایالاتونو د استازو جرګې مشرې ولسمشر ډونالډ ټرمپ تورن کړ چې د ۲۰۱۶ میلادي کال د ولسمشرۍ په انتخاباتو کې د روسیې د مداخلې د پټېدو هڅه کوي.
نانسي پلوسې پرون د چهارشنبې په ورځ په استازیو جرګه کې د ډموکراتانو له یوې غونډې وروسته، خبریالانو ته وویل، هېڅوک تر قانون پورته نهدی، د متحد ایالاتونو د ولسمشر په ګډون او موږ باور لرو چې د امریکا د متحد ایالاتونو ولسمشر د قضیې په پټولو کې لاس لري.
د دې په ځواب کې ولسمشر ټرمپ خبري غونډې ته وویل:
"زما په فکر ستاسو اکثریت به له دې سره موافق وي چې زه تر ټولو ډېرسپیڅلی ولسمشر یم، ښایي د دې هېواد په تاریخ کې."
ولسمشر ټرمپ زیاته کړه چې دی څه نه پټوي او دی به له ډموکراتانو سره په نورو مهمو موضوعاتو کې همکاري ونهکړي، څو چې د ده په برخه کې دغه خیالي تحقیقات پای ته نهوي رسیدلي.
تر دې مخکې پرون ولسمشر ټرمپ له مېرمن پلوسي او یو شمېر نورو ډموکراتانو سره د یو شمېر بنیادي شیانو په برخه کې غونډه لغوه کړه.