په هلمند کې له یوه کوره ۵۵ کیلو ګرامه نشه يي مواد ترلاسه شول
د هلمند ولایت د امنیې قوماندانۍ په خبرپاڼه کې راغلي چې د دې قوماندانۍ له نشه يي موادو سره د مبارزې ځانګړو پولیسو په نادعلي ولسوالۍ کې د استوګنې په یوه کور کې (۵۵) کیلو ګرامه تاریاک نیولي، خو په دې تړاو یې تر اوسه پورې څوک نه دي نیولي.
دوه اوونۍ کېږي چې په هلمند ولایت کې د کوکنارو حاصلات را ټولېږي، په دې لړ کې د نادعلي په شمول د څو ولسوالیو بزګرو تاریاک را ټول کړي او خرڅلاو ته يې چمتو کړي دي.