Новости за 24.03.2018

د کرکټ په راتلونکي نړیوال جام کې د لوبېدونکو لوبډلو نوملړ بشپړ شو. افغانستان تېر ماښام ایرلينډ ته په ماتې ورکولو سره د ۲۰۱۹ میلادي کال نړیوال جام ته لار ومونده او له دې سره په دغه جام کې د ۱۰ لوبډلو نومونه حتمي شول. له دې وړاندې د غوراوي جام له سیالیو ویسټ انډيز په اتو نمرو په دغه جام کې د لوبېدو امتیاز تر لاسه کړی و. راتلونکی نړیوال جام چې په ۲۰۱۹ میلادي کال کې په انګلستان او والز کې تر سره کېږي، پکېد افغانستان او ویسټ انډيز تر څنګ، انګلستان، اسټرالیا، هندوستان، پاکستان، سريلانکا، جنوبي افریقا، نیوزلینډ او بنګله دېش لوبېږي. Читать дальше...

په ارزګان کې یو شمېر مدني فعالان وايي چې د تېر کال په پرتله سږکال په دې ولایت کې د کوکنارو کښت زیات...

په ارزګان کې یو شمېر مدني فعالان وايي چې د تېر کال په پرتله سږ کال په دې ولایت کې د کوکنارو کښت زیات شوی ...

ایران نن شنبه د دې هېواد پر لسو وګړو او یوې ایرانی کمپنۍ د متحده ایالاتو له خوا پر بندیزونو انتقاد وکړ. د امریکا د خزانې وزارت پرون جمعه لس ایرانیان او د مبنا په نامه انسټیټیوټ له سلګونو پوهنتونونو څخه په انټرنیټي غلا تورن کړل. دې وزارت ویلي دي چې مبنا انسټیټیوټ پر ۱۴۴ امریکايي او په ۲۱ هېوادونو کې پر ۱۷۶ پوهنتونو سایبري بریدونه کړي دي. خو د ایران د بهرنیو چارو د وزارت ویاند بهرام قاسمي دا تورونه بې اساسه بللي دي. نوموړي ویلي، امریکا به په دې اقداماتو سره د ایران د خلکو د ساینسي پرمختګ مخه ونه نیسي. Читать дальше...

د هلمند د والي ویاند عمر ځواک وایي، په لښکرګاه کې د تېرې شپې په موټربم چاودنه کې د وژل شویو شمېر ۱۶ ته لوړ شوی دی. د ښاغلي ځواک په وینا، په دې چاودنه کې له فراه څخه راغلی يو غېږنیوونکی چي عبدالعزيز نومېږی، ټپي شوی او يو بل سپین ږيری چې دغېږنیوونکو له ډلې سره له ياد ولايته د نندارې لپاره راغلی و، وژل شوی دی. په دغه پېښه کې چې د لښکرګاه ښار د غازی محمد ایوب خان له لوبغالي سره شوی ده، په وژل شویو کې ماشومان هم شامل دي او ۵۲ نور ټپيان دي. دولتي مسؤلین وایي، يو شمېر برسېرن ټپيان له روغتونونو رخصت شوي او د پاتې نورو حالت ښه دی. Читать дальше...

د کندهار هوايي ډګر پولیسو دوه نارینه او دوې ښځې په داسې حال کې نیولي چې د هېروئينو نېږدې ۱۲۶ کمپسولونه یې قاچاق کول. د کندهار د امنیه قوماندانۍ له نشه يي موادو سره د مبارزې پولیسو مشر سمونوال ولي شاه ازادي راډیو ته وویل چې پولیسو د کندهار په نړیوال هوايي ډګر کې د نشه يي موادو یوه قاچاق کوونکې ډله نیولې چې په خپلو خېټو کې یې لسګونه کېلو ګرامه نشه يي مواد هند ته وړل. د ښاغلي ولي شاه په خبره په نیول شویو کسانو کې دوې مېرمنې هم شاملي دي چې غوښتل یې نشه يي مواد په خپلو کاليو کې قاچاق کړي. ولي شاه... Читать дальше...

د بغلان ولایت پولیسو دوه تنه د لسګونو کېلو ګرامو نشه يي موادو په تور نیولي دي. د بغلان ولایت امنیه قوماندان اکرام الدین سریع د سې شنبې په ورځ ازادي راډیو ته وویل چې په لومړۍ پېښه کې د بغلان ولایت پوليسو د پلخمري په سیمه کې يو تن د تلاشۍ پر مهال نیولي چې غوښتل یې ۲۱ کېلو ګرامه هیروئين له بغلان ولایت څخه یوه ګاونډي ولایت ته قاچاق کړي: "لس کېلو ګرامه خام چرس چې د کندز ولایت څخه په یوه موټر کې د کابل خواته وړل کېدل، د بغلان ولایت له نشه يي موادو سره د مبارزې مدیریت په شمرکمر بند کې نیولي او په دې... Читать дальше...

د ننګرهار ولایت پولیسو ۵۰ کېلو ګرامه هیروئین ونیول. د کورنیو چارو وزارت له نشه يي موادو سره د مبارزې معین عبدالخلیل بختیار رسنيو ته وویل چې له نشه يي موادو سره د مبارزې پولیسو په ننګرهار ولایت کې دوه تنه قاچاق وړونکي په مومند درې ولسوالۍ کې نیولي دي. ښاغلي بختیار زیاته کړه، دې دوو تنو غوښتل ۵۰ کېلو ګرامه هیروئین چې په یوه مازډا موټر کې یې ځای پر ځای کړي او غوښتل یې کابل ته یې انتقال کړي، د مومند درې ولسوالۍ د لارې په اوږدو کې له نشه يي موادو سره د مبارزې پولیسو ونیول. د یادونې وړ ده چې له نشه... Читать дальше...

د افغانستان د ننګرهار ولایت په جلال اباد ښار کې د ګڼو مدني ټولنو استازو د يوه لاريون په ترڅ کې په خېبر پښتونخوا کې د پښتون ژغورنې غورځنګ ملاتړ وکړ او په نړیوالې ټولنې يې غږ وکړ چې د پښتنو د حق غوښتنې ملاتړ دې وکړي.

افغان ځواکونو په تېرو ۷ ورځو کې ۸ کسان په هېواد کې دننه او بهر ته د نشه يي موادو د قاچاق په تور نیولي دي. له نشه يي موادو سره د مبارزې د عدلي او قضايي مرکز ویاند خالد موحد د پنجشنبې په ورځ ازادي راډیو ته وویل چې په دې ۸ کسانو کې څلورو يې دوه کېلو ګرامه هیروئين په خپلو خېټو کې ځای پر ځای کړي او غوښتل یې د حامد کرزي نړیوال هوايي ډګر له لارې یې هند ته قاچاق کړي چې د هوايي ډګر سرحدي پولیسو ونیول. په دریو نورو پېښو کې پولیسو څلور کسان په کابل، کندهار او ننګرهار ولایتونو کې د ۳ کېلو ګرامو هیروئینو،... Читать дальше...

د افغانستان د کورنیو چارو وزارت له نشه يي موادو سره د مبارزې معینیت وايي چې په ۱۳۹۶ لمریز کال کې...

د افغانستان د کورنیو چارو وزارت له نشه‌يي موادو سره د مبارزې معینیت وايي چې په ۱۳۹۶ لمریز کال کې یې ۸ تنه د نشه‌يي موادو ...

لکونه زره زده کوونکي او یوشمېر نور اعتراض کوونکي نن شنبه په واشنګټن کې راغونډېږي. دغه مظاهره کوونکي غواړي چې د کانګرس غړي وهڅوي چې په امریکا کې د ټوپک پر ازادانه ګرځولو سخت بندیزونه ولګوي. د دې اعتراض کوونکو تنظیمونکي وایي چې نن به شااوخوا پنځه لکه کسان په پلازمېنه واشنګټن کې په اعتراض کې برخه واخلي. ورته اعتراضونه د امریکا په یوشمېر نورو ښارونو کې هم پلان شوي دي. چارواکو په واشنګټن کې د دې پراخې مظاهرې له امله، د ټرافیک نظم او عامه ټرانسپورټ په سیستم کې د ځنډ او خنډ خبر وار له مخه ورکړی دی. Читать дальше...

اسیايي بانک ویلي چې په نوي پیل شوي ۱۳۹۷ لمریز کال کې به هم له افغان حکومت سره خپلو مرستو ته دوام ورکړي. د افغانستان د سوداګری او صنایعو خونه هیله ښيي چې دا ځل به د نوموړي بانک د مرستو ډېره برخه د خصوصي سکټور پر پیاوړتیا ولګول شي. د یادې خونې ویاند صیام الدین پسرلي نن شنبه ازادي راډيو ته وویل، د مرستو د شفاف لګښت تر څنګ، پکار ده چې په مرسته کوونکو پیسو داسې پروژې پلې شي چې ګټه يې په مستقیمه توګه خلکو ته رسېږي. د یادونې ده چې اسیايي بانک هر کال له افغانستان سره ميلیونونه افغانۍ مرسته کوي.

د بزګر په دودیزې میلې او د کرنیزو توکو په درې ورځني ملي نندارتون کې د دوو ميلیونو ډالرو په اندازه پلور شوی دی. د کرنې او مالدراۍ وزارت ویاند اکبر رستمي د دې بیان تر څنګ نن شنبه ازادي راډيو ته وویل، په دغه نندارتون کې د پانګه والو او تولیدوونکو تر منځ د تړونونو ژمنې هم شوي چې دا په افغانستان کې د تولید کچه لوړوي. د بزګر دودیزه میله او د کرنیزو توکو دا نندارتون د تېرې پنجشنبې له ورځې راهیسې د کابل د بادام باغ په سیمه کې جوړ شوی چې افغان بزګرانو او تولیدي شرکتونو پکې په ۲۳۰ غرفو کې خپل توکي نندارې ته وړاندې کړي دي. Читать дальше...

تمه ده چې د دوشنبې او سې شنبې په ورځو د ازبکستان په مرکز تاشکند کې د افغانستان لپاره غونډه جوړه شي.

په کابل کې خپرېدونکو ورځپاڼو نن تر ډېره د افغانستان د موجوده حالاتو په اړه د تبصرو ترڅنګ د افغان ولسمشر د ملي امنیت سلاکار د وروستیو څرګندونو په اړه هم لیکنې خپرې کړي دي.

د افغانستان د کرکټ ملي لوبډلې د جمعې په ورځ ایرلېنډ ته ماته ورکړه او د ۲۰۱۹م کال د کرکټ ۵۰ اوریز نړیوال کپ ته ووت.  د نړیوال کپ د غوراوي پړاو پای لوبه به د یکشنبې په ورځ د افغانستان او ویسټ انډیز ترمنځ د زمبابوې په پلازمېنه هرارې کې تر سره شي.  د افغانستان او ایرلېنډ ترمنځ تر سره شوې لوبه په تصویرونو کې وګورئ.

د هلمند ولایت په مرکز لښکرګاه ښار کې د جمعې د ماښام په ځانمرګي برید کې د اوښتو تلفاتو شمېره ډېره شوې ده.

د افغانستان د بیارغونې لپاره د امریکا د مرستو د سرمفتش ادارې سیګار په تازه رپوټ کې راغلي چې د افغان...

د لښکرګاه ښار په لومړۍ حوزه کې پرون جمعه بمي چاودنه وشوه چې لږترلږه ۱۴ تنه په‎کې وژل شوي او ۴۷ تنه زخمیان شوي دي. د هلمند د والي د دفتر خبرپاڼه وايي چې په چاودنه کې ماشومان هم وژل شوي دي. د هلمند د والي ویاند، عمر ځواک تېره شپه په‎دې اړه ازادي راډیو ته وویل: "پېښه د لښکرګاه ښار په لومړۍ حوزه کې زنانه پارک او د غازي محمد ایوب خان لوبغالي ته نېږدې وشوه. چاودنه په موټر کې د ځای پرځای شویو موادو له امله شوې ده." د افغانستان ولسمشر دا حمله غندلې ده. د پېښې مسؤلیت لا چا نه‎دی اخېستی.

نن شنبې د توبرکلوز پر ضد د مبارزې نړیواله ورځ ده. په دې مناسبت، د بې پولې ډاکټرانو ادارې «MSF» ویلي چې هرکال لږ تر لږه ۱۲ زره افغانان د توبرکلوز «سل» له امله مري.  د دې ادارې په وینا، هرکال تر ۶۰ زره زیات خلک په افغانستان کې په توبرکلوز اخته کېږي. د بې پولې ډاکټرانو ادارې په نوي رپوټ کې چې پرون جمعه خپور شو، ویلي چې په کندهار کې د توبرکلوز د درملنې په ځانګړي روغتون کې یې لږ تر لږه ۲۰ زره افغانان بستر کړي دي.

د افغانستان په سړو سیمو کې به نن شنبه نوی تعلیمي کال پېل شي. د پوهنې وزارت په وینا، سږکالتر یو میلیون زیاتو نویو زده‎کونکو ته د زده‎کړې امکانات برابرولای شي. د وزارت د نشراتو رئیس، کبیر حقمل پرون ازادي راډیو ته وویل: "سږکال په ټول افغانستان کې د ۳۰۰ نویو ښوونځیو جوړولو پلان لرو او د ۶۰۰ ښوونځیو ودانۍ به ورغوو."  د کبیر حقمل په وینا، د افغانستان د پوهنې وزارت سږکال په لومړي پړاو کې ۸۰۰۰ او په دوهم پړاو کې ۱۳۰۰۰ ښوونکي په دندو وګومارل شي.

د افغانستان د کرکټ ملي لوبډلې د ایرلېنډ د کرکټ لوبډلې ماته ورکړه او د کرکټ د نړیوال جام سیالیو ته یې لار پېدا کړه. د افغانستان د کرکټ ملي لوبډلې پرون جمعه د زېمبابوې په پلازمېنه، هرارې کې د ایرلېنډ له لوبډلې سره مخامخ شوه او په پینځو وکټو یې لوبه وګټله. د کرکټ د ملي لوبډلي کپتان، اصغر ستانکزي تېره شپه له هرارې، ازادي راډیو ته په ټلیفوني مرکه کې وویل: "په رښتیا، دا ستر بری دی. موږ یوازې په ښه لوبه نه، بلکه د افغانانو د دعاوو له برکته د نړیوال جام سیالیو ته لار پېدا کړه." د کرکټ د نړیوال جام سیالۍ په ۲۰۱۹ میلادي کال کې په وېلز کې کېږي. Читать дальше...

د متحدو ولسمشر ډونالډ ټرمپ وايي، د پورونو د زیاتوالي او نورو مسئلو په اړه اندېښنې لري، خو د حکومت د لګښټ لپاره د یو اعشاریه درې میلیارد ډالرو مصوبه لاسلیکوي. د ولسمشر ټرمپ دا کار به هغه اندېښنې چې د درېیم وار لپاره، د امریکا د حکومت د کاربندۍ امکان رامنځته کړی وي، پای ته ورسوي. د امریکا ولسمشر پرون جمعه په سپینه ماڼۍ کې خبریالانو ته وویل: "په دې مصوبه کې زیات موارد شته چې زه یې په اړه خوشحال نه‎یم. زه به بیا هېڅ‎کله داسې قانون لاسلیک نه‎کړم." ولسمشر ډونالډ ټرمپ وویل، د قانون په مصوبه کې داسې... Читать дальше...