د پاکستان د بهرنیو چارو وزیر شاه محمود قریشي نن کابل ته راځي
ټاکل شوې ده چې د پاکستان د بهرنیو چارو وزیر شاه محمود قریشي نن کابل ته سفر وکړي. د افغانستان د بهرنیو چارو د وزارت ویاند صبغت الله احمدي پر خپله ټویټرپاڼه دا خبر ورکړی او ویلي يې دي چې قریشي به له ولسمشر محمد اشرف غني او د بهرنیو چارو له وزیر صلا ح الدین رباني سره وویني. د پاکستان د بهرنیو چارو وزیر د قوس په ۲۴مه په کابل کې د افغانستان، چین او پاکستان په درې اړخیزه غونډه کې هم ګډون کړی و او له افغان چارواکو سره يې لیدلي و.