Новости за 21.02.2020

د تاوتريخوالي د کمولو د هوکړې په درشل کې له څو ولايتونو د ناامنيو خبرونه رارسېدلي دي.  د ملي اردو مسوولان وايي په زابل او ارزګان ولايتونو کې ١٥ وسله وال طالبان وژل شوي دي.  د افغانستان په جنوب کې ٢٠٥ اتل قول اردو وايي، په پوځي عملياتو کې چې پرون شوي، ٤ نور وسلوال طالبان ټپيان شوي دي.  د دې قول اردو وياند خواجه يحيى علوي نن ازادۍ راډيو ته لومړى په زابل ولايت کې د عملياتو په اړه وويل: ”د زابل ولايت د مرکز کلات په مربوطاتو کې د دښمن ٨ کسان وژل شوي او د دغو جنايتکارانو ٣ تنه ټپيان شوي دي، د دښمن... Читать дальше...

ایرانیانو نن د دې هیواد د پارلمان د غړیو د ټاکلو لپاره رایې ورکول پیل کړي دي. په دې انتخاباتو کې د ایران د پارلمان د ۲۹۰ څوکیو لپاره له ۱۶ زره زیاتو کسانو نومونه ثبت کړي وو خو د پیاوړې نګهبان شورا له خوا یوازې ۷۱۴۸ کاندیدان تایید شوې دي. د ایران د نګهبان شورا په دې انتخاباتو کې د شاو او خوا ۹ زره کسانو د کاندیدو غوښتنه رد کړې ده. د اوسني پارلمان ۹۰ تنه غړي هم د نګهبان شورا له خوا په ننیو انتخاباتو کې له کاندیدو محروم شوي دي. د امریکا متحده ایالاتونو د ایران نګهبان شورا تورنه کړې چې په دې... Читать дальше...

ولسمشر اشرف غني وايي چې افغان حکومت د سولې خبرو ته د یوه فرصت په سترګه ګوري او د احتمالي خطرونو د مخنیوي لپاره یې لازم چمتووالی لري. تمه ده چې د تاوتریخوالي د کمولو د یوې اونۍ له تېرېدو وروسته د امریکا او طالبانو ترمینځ د سولې موافقه لاسلیک او ورپسې د افغانانو ترمینځ د سولې خبرې پیل شي. ارګ په یوه بیان کې چې پرون ناوخته خپور شو وايي ښاغلي غني تېر ماښام د سولې د مشورتي لویې جرګې د کمیټو له مسوولینو سره په کتنه کې وویل چې د سولې حیاتي پروسه هم فرصتونه او هم احتمالي خطرونه لري خو حکومت له فرصتونو... Читать дальше...

د امریکا د بهرنیو چارو وزیر مایک پومپیو وايي چې متحدایالات به د افغانستان د ولسمشرۍ د انتخاباتو په اړه خپل دریځ په نږدې راتلونکي کې روښانه کړي. د افغانستان د انتخاباتو د خپلواک کمیسیون له خوا د هېواد د ولسمشر په توګه د اشرف غني له اعلانېدو وروسته اجراییه رییس عبدالله عبدالله ځان قانوني ولسمشر وباله او ویې ویل چې ډېرژر به د بېلابېلو اړخونو په ګډون خپل حکومت جوړ کړي. د امریکا د بهرنیو چارو وزیر پرون د سعودي عربستان په پلازمېنه ریاض کې د څرګندونو پرمهال وویل، د افغانستان په اړه یوازې دا خبره کولای... Читать дальше...

د ملي امنیت شورا ازادي راډیو ته تائید کړه چې نن شپه ۱۲ بجې د تاوتریخوالي د کمېدو اونۍ پیلېږي.

په شمال کې دېره ۲۰۹ شاهین قول اردو وايي، د فاریاب ولایت په قیصار ولسوالۍ کې د افغان ځواکونو په عملیاتو کې شپږ تنه وسله وال طالبان وژل شوي او درې نور ټپیان دي. د شاهین قول اردو ویاند محمدحنیف رضايي پرون آزادۍ راډیو ته وویل چې دا عملیات د قیصار ولسوالۍ په صوفي کلا او نورعلي سیمو کې شوي او په ترڅ کې یې دا کلي له طالبانو څخه تصفیه شوي دي. هغه زیاتوي: "افغان امنیتي، دفاعي ځواکونو دا سیمې تلاشي کړې او نن شپه به هم په دې دوو کلیو کې پاتې شي او پاتې تروریستان چې په دې کلیو کې دېره وو، له سیمې تښتېدلي... Читать дальше...

د خوست د تڼیو ولسوالۍ اوسېدونکو د نشه يي موادو پر پلور او پېر او کارولو ناغه ولګوله. قومي مشرانو او ځوانانو پرون پنجشنبې وویل که څوک په دې ولسوالۍ کې له دې پرېکړې سرغړونه وکړي نو یولک افغانۍ ناغه به ورکوي او ولس به هم قومي او کلیوالي اړیکې پرې کوي. د تڼیو د ځوانانو د شورا په استازیتوب اجمل ایوبزي آزادۍ راډیو ته وویل چې دا پرېکړه د تڼیو څلور واړه قومونو کړې ده. هغه زیاته کړه: "څلور قامه تڼیو دا پرېکړه وکړه چې که څوک په تڼیو ولسوالۍ کې مخدرمواد خرڅوي قام به یې یولک افغانۍ جریمه ترې اخلي او دا... Читать дальше...

د روسیې د هوايي ځواک او ترکي ځواکونو په مرسته د سوریې د حکومتي ځواکونو او وسله والو یاغیانو ترمنځ جګړو مسکو او دمشق د سوریې په کورنۍ جګړه کې نور هم ښکېل کړي دي. د سوریې د بشري حقونو د څارونکې ډلې د راپور له مخې پرون د فبروري په شلمه نېټه د سوریې شل دولتي سرتېري د یاغیانو تر ولکې لاندې سیمه کې ووژل شوي دي. روسي او ترکي چارواکو تایید کړې چې د ادلیب په شمال لویدیځ کې په دې جګړه کې ۱۱ حکومت پلوي سرتېري، ۱۴ د ترکیې پلوي وسله وال او ۲ ترکي سرتېري وژل شوي. په روسیه کې د جګړې د اړخونو د پخلاینې مرکز... Читать дальше...

وروسته له دې چې په ایران کې د کرونا ویروس د مواردو راپور ورکړل شو عراق پرون له دې هېواد سره خپل سرحد بند کړ. عراق له دې مخکې ایران ته الوتنې هم بندې کړې وې. ایراني چارواکو پرون د فبروري په شلمه نېټه راپور ورکړ چې درې نور کسان په قم ښار کې په کرونا ویروس اخته شوي دي. په قم کې له دې یوه ورځ مخکې دوه کسان- چې په کرونا ویروس اخته شوي وو، مړه شول. د ایران دولتي خبري آژانس ایرنا راپور ورکړی چې په دې ښار کې د دیني مدرسو په ګډون ټول ښوونځي او پوهنتونونه تړلي دي. د ایران د روغتیا وزارت پرون د چارشنبې... Читать дальше...

د متحدایالاتو د بهرنیو چارو وزیر مایک پومپیو پرون پنجشنبې په ریاض کې د سعودي عربستان له پاچا ملک سلمان او ولیعهد سره په کتنه کې د سعودي د سیال- ایران په اړه خبرې وکړې. پومپیو د شهزاده سلطان هوايي اډې ته چې د ایران پر وړاندې د مقابلې د پراخو هڅو په ترڅ کې څو زره امریکايي پوځیان پکې دېره دي هم ولاړ. پومپیو له دې اډې څخه د لیدنې پرمهال وویل چې هلته دېره ځواکونه دفاعي خصوصیت لري او یوازې د ایران د احتمالي اقداماتو د مخنيوي لپاره هلته ځای پرځای شوي دي. پومپیو د ملک سلمان له زوی ځواکمن ولیعهد محمد... Читать дальше...

د پنجشنبې په ورځ د لوګر په مرکز پل علم کې د التمور د کلیوالي سیمې د ځوانانو په نووښت د اوربند غږ په نوم مشاعره جوړه شوه. په یاده مشاعره کې چې له لوګر سربیره د خوست، پکتیا، پکتیکا، لغمان او کابل بېلابېلو ولایتونو شاعرانو او د شعر او فرهنګ مینه والو برخه اخیستې وه او تابیا کوونکو يې موخه د سولې او اوربند لپاره د عامو ولسونو د غږ اوچتول یاد کړل. د لوګر د اطلاعاتو او فرهنګ رئیس عبدالرحمن تسل وايي، پخوا به د سولې او اوربند غږ د غونډو او ناستو د ویناوالو لخوا کېده، خو دا ځل دا غږ د هغو سره په توپیر د شاعرانو لخوا اوچتیږي. Читать дальше...

نړیوالو ورځپاڼو په خپلو نننیو ګڼو کې د افغانستان د سولې او جګړې په اړه مقالې او تبصرې خپرې کړي دي.

د امریکا د خزانې وزارت د ایران د شورای نګهبان د انتخاباتو د کمیټې پر یو شمیر چارواکو نوي بندیزونه اعلان کړي دي.

په عین وخت کې، امریکا، د شورای نګهبان د منشي او بانفوذه محافظه کاره مذهبي مشر احمد جنتي په ګډون پر پېنځو انتخاباتي چارواکو بندیزونه لګولي دي.

د ښځو په ګډون لسګونه دیني عالمانو د سولې په مسئله کې خپلې سلامشورې له ولسمشر اشرف غني سره شریکې کړې.