د نورستان او کونړ ولایتونو یو شمېر ځایي اوسېدونکي لا هم د دې ولایتونو په ځنګلونو کې د اور لګېدنې د دوام خبره کوي، خو د طالبانو د حکومت طبیعي پېښو ته د رسېدنې وزارت چارواکي ادعا کوي، چې په دې ولایتونو کې یې اور مهار کړی. نور په راپور کې:
په افغانستان کې د طالبانو حکومت د کوکنارو د فصل وهلو کيمپېن پیل کړی دی. دا تر هغه وروسته ده چې د روان کال په اپرېل میاشت کې طالب مشرانو په یو فرمان کې د کوکنارو پر کر بندیز اعلان کړی وو. بلخوا د هېلمند په شمول د ځینو ولایتونو کروندګر وایي چې هلته د اوبو کمی دی او د نورو فصلونو د کښت وسایل نه لري. په دې اړه تفصیل د اسوشیېټېډ پرېس اژانس په ويډيويي راپور کې.
په داسې حال کې چې د مقاومت ملي جبهه ادعا کوي، طالبانو د دوی درې پوځیان په پنجشېر کې نیولي او وروسته یې سرونه ترې پرې کړي خو د طالبانو حکومت بیا دغه ادعاوې ردوي. په داسې حال کې چې د مقاومت ملي جبهه په پنجشېر ولایت کې د طالبانو له لوري د خپلو درېيو ځواکونو د سر پرې کېدو ادعا کوي، خو د طالبانو د کورنیو چارو وزارت بیا دغه ادعاوې بې اساسه بولي. د مقاومت ملي جبهې ویاند صبغت الله احمدي په خپل ټویټر پاڼه لیکلي، چې طالبانو د پنجشېر په کرباسي سیمه کې د دوی درې تنه ځواکونه نیولي او له وروسته یې سرونه ترې پرې کړي دي. Читать дальше...
د تلوېزیونونو پر ښځینه ویاندویانو او د خپرونو په چلونکو د طالبانو له لوري د اجباري حجاب له تطبيق ۱۵ ورځې تېرېږي. په افغانستان کې د يو شمېر خصوصي تلوېزیونونو ویاندویانې له ازادي راډیو سره په خبرو کې وايي، د طالبانو د امر بالمعروف او نهی عن المنکر وزارت دوی د اطلاع رسونې د څرنګوالي په برخه کې څاري. د يوې خصوصي رسنۍ کارکوونکې په ژړغونې غږ او د خوندي پاتې کېدو په خاطر نه غواړي نوم یې په راپور کې واخیستل شي وايي، د طالبانو له لوري وروستي فشارونه او محدویتونه د دې لامل شوي چې له خپل کار زړه تورې شي او نور ورته بس ووايي. Читать дальше...
یو شمېر ښځینه ډاکترانې او روغتیایي کارکوونکې وایي، د طالبانو له لوري پر افغان ښځو بېلابېلو بندیزونو دوی هم زیانمنې کړي دي. د کابل ښار د یو دولتي روغتون ډاکتره نصیره وایي، د طالبانو له لوري پر ښځو او نجونو د بندیزونو لګول دوی هم زیانمنې کړې دي. ډاکتره نصیره وایي، د دې لپاره چې په ټولنه کې د ښځینه وو ډاکترانو کار ته اړتیا ده، د طالبانو په واکمنېدو سره هم نه ده بې دندې شوې، خو په خبره یې پر عامه او ښاري ټرانسپورټ کې له محارمو پرته د ښځو پر تګ راتګ بندیزونو له ستونزو سره مخ کړې دي. هغې زياته کړه... Читать дальше...
د ولسمشر عارف علوي دفتر د جون پر څلورمه په یو خبرپاڼه کې ویلي چې نوموړي دا ګام د ملک د ایین ۷۵ (۱) مادې له مخې اخیستی دي او دا بلونه بیرته حکومت ته لېږلي دي.
د طالبانو حکومت له خوا د جبري حجاب په اړه د حزب اسلامي د ګوند د مشر ګلبدین حکمتار تر تازه څرګندونو وروسته، د طالبانو حکومت د امر بالمعروف او نهي عن المنکر وزارت ویاند ویلي ، چې نوموړی د معلوماتو له نشت سره مخ او له دیني درسونو لرې پاتې شوی. د طالبانو د حکومت له خوا پر ښځو د جبري حجاب په اړه، د حزب اسلامي د مشر ګلبدین حکمتیار ورستیو څرګندونو ته غبرګون! وروسته له هغې، چې د حزب اسلامي ګوند مشر ګلبدین حکمتیار د طالبانو د حکومت له خوا د ښځو د جبري حجاب په اړه څرګندونې وکړې، د طالبانو د امر بالمعروف... Читать дальше...
د میرویس نیکه په نوم د کرکټ په درې ورځني جام سیالیو کې نن امو او سپين غر لوبډلې او بند امیر او مس عینک لوبډلې لوبې کوي. د افغانستان د کرکټ بورډ ادارې د رسنیو مسوول عبدالله پکتیاني نن ازادي راډيو ته وویل، چې د امو او سپین غر لوبډلو ترمنځ په لوبه کې امو د پچې په ګټلو سره د توپوهنې پرېکړه کړې ده. په بله لوبه کې چې د مس عینک او بند امیر لوبډلو ترمنځ پيل شوې، مس عینک لوبډلې هم د پچې په ګټلو سره د توپوهنې پرېکړه کړې ده. پکتیانی وايي، په دې ۳ ورځنیو سیالیو کې د ۵ زونونو لپاره د ۱۹ کلنو ملي لوبډلې... Читать дальше...
په هرات کې د موی ټای سیالۍ وشوې. د طالبانو په مشرۍ د افغانستان د بدني روزنې او ورزش ادارې نن یکشنبه پر خپله فېسبوک پاڼه لیکلي دي، د هرات ولایت د موی ټای فدراسیون ټاکنیزې سیالۍ په میرویس صادق جمنازیوم کې وشوې. یاد فدراسیون وړاندې لیکي، په دغو سیالیو کې ۵۰ ورزشکارانو د تنکیو ځوانانو، ځوانانو او لویانو په سني کټګوریو کې برخه اخیستې وه. د دغو سياليو د کېدو هدف د هرات ولایت د موی ټای لوبډلې لپاره د غوره څېرو ټاکل او د ورزشکارانو د مهارتونو لوړول ښودل شوي. د دې سیالیو په پای کې غوره لوبغاړو ته ستاینلیکونه او مډالونه هم ورکړل شول.
د ۲۰۲۲ کال د فوټبال نړیوال جام ته د لارموندنې سیالیو په پایلوبه کې نن شپه د جګړه ځپلې اوکراین د فوټبال لوبډله له وېلز لوبډلې سره لوبه کوي. د دې لوبې ګټونکې لوبډله به د ۲۰۲۲ کال د فوټبال نړیوال جام ته لار کوي او د انګلنډ، امریکا متحده ایالتونو او ایران سره به په یوه ګروپ کې وي. اوکراین لوبډلې نړیوال جام ته د لارموندنې سیالیو په نیمه پایلوبه کې سکاټلند لوبډلې ته ۳-۱ ماته ورکړه او نن شپه بیا فرصت لري، چې د لوبې په ګټلو او نړیوال جام ته په تګ سره خپل جګړه ځپلي هېوادوال خوشاله کړي.
د ننګرهار کانال ریاست وایي، سږکال به دوی له څلورګونو فارمونوڅه باندې ۱۴ زره ټنه هندواڼه ترلاسه کړي. د ننګرهار د کانال شرکت مسوولین په دغه ولایت کې د هندواڼو د حاصلاتو د زیاتوالي خبر ورکوي خو کروندګر بیا د بازار د نشتوالي شکایت لري. د ننګرهار د کانال شرکت ویاند سید همایون غريبمل ازادي راډيو ته وویل چې د کانال شرکت په څلور ګونو فارمونو کې سږکال پر ۳ زره جريبه ځمکه هندواڼه کرل شوې چې ۱۴۶۷۰ ټنه حاصل به ورکړي. د غریبمل د معلوماتو له مخې، پر همدې ځمکه تېر کال هم هندواڼه کرل شوې وه چې شااوخوا ۱۲ زره ټنه هندواڼه یې کړې وه. Читать дальше...
په دې اړه د جون په دویمه یوه اعلامیه د استخباراتو د اسټبلېشمېنټ ډویژن لخوا خپره شوې ده چې پکې ویل شوي، وزیر اعظم شهباز شريف د ملک استخباراتي ادارې ته دا اختیار ورکړی چې د سرکاري ملازمینو د څارنې مسولیت دې په خپله غاړه واخلي.
له څو اونیو ځنډ وروسته د لومړي ځل لپاره د اوکراین پلازمېنه کیف تېره شپه څو چاودنو ولړزوه. د اوکراین د پلازمېنې کییف ښاروال ویتالي کلیتچکو ویلي، تېره شپه د ښار په دوو ناحیو کې څو چاودنې شوي او ژغورنډلې سیمې ته رسېدلي دي. نوموړي پر خپل ټېلیګرام چېنل دغو چاودنو کې د یوه کس د ټپي کېدو خبره تایید کړې او ویلې یې دي، د نورې مرګ ژوبلې راپور یې لا نه دی ترلاسه کړی. کییف کې د شویو دغو چاودنو څرنګوالی لا معلوم شوی نه دی. له تېرو څو اونیو راهیسې که څه هم پلازمېنه کییف کې د بمبارۍ د خطر زنګونه اورېدل... Читать дальше...
د پاکستان د بشري حقونو خپلواک کمېشن ویلي چې جاسوسي ادارې، ايي ايس ايي ته تر مقررۍ وړاندې د ملکي چارواکو د ارزونې چارو سپارل د پاکستان د جمهوري اقدارو لپاره ښه نه دي.
جوزجان کې د کار په بدل کې د غنمو د وېش پروګرام پیل شو. د طالبانو د حکومت د اوبو او انرژۍ وزارت پر خپله وېبپاڼه لیکلي دي، د دې پروګرام له لارې به د جوزجان په ۱۰ ولسوالیو کې د اوبو کانالونو د پاکولو چارې پيل شي. دا پروګرام چې تېره ورځ پیل شو، هر کارګر ته به د ورځني کار په مقابل کې لس کیلو ګرامه غنم ورکړي. په جوزجان کې د کانالونو د پاکولو چارې د سیندیزې حوزې، کرنې او نورو سکتوري څانګو د ګډ کمېسیون لخوا څارل کېږي.
په داسې حال کې چې د نورستان او کونړ ولایتونو یو شمېر ځایي اوسېدونکي لا هم د دې ولایتونو په ځنګلونو کې د اور لګېدنې د دوام خبره کوي، خو د طالبانو د حکومت طبیعي پېښو ته د رسېدنې وزارت چارواکي ادعا کوي، چې په دې ولایتونو کې یې اور مهار کړی دی. د نورستان د نورګرام د شامه درې او کونړ ولایت د چپې درې ولسوالۍ د ځنګلونو د اورلګېدنې د ختمېدو په اړه ضد او نقیض خبرې او د لغمان ولایت الیشینګ والسوالۍ ته یې د خپرېدو په اړه اندېښنې! که څه هم په دغو ولایتونو کې ځایي اوسېدونکي وايي، اور نه دی مړ، خو د طالبانو... Читать дальше...
په ليبيا کې له ډيري مودي راهيسي پر ناکرارۍ سربېره ځايي وګړي اسونه پالې او روزنه يې کوي. دوی د اسونو ليلامي او جشنونو هم جوړوي. د اسونو سينګار هم په هغه هېواد کې دود دی. په دې اړه د رويټرز اژانس ويډيويي راپور ګل اياز وړاندې کوي.
د طالبانو په مشرۍ د افغانستان بانک د افغانستان د بیا رغونې د مدیریت صندوق او نړیوال بانک د وروستیو مرستو هرکلی کوي. د افغانستان بانک ویاند محمد صابر مومند نن ازادي راډيو ته وویل، دوی له نړیوال بانک غواړي چې له افغانانو سره خپلو همکاریو ته دوام ورکړي. مومند وايي، د نړیوال بانک هغه مرستې چې د کرنې، روغتیا او د لومړنیو خدمتونو د پوره کولو په برخه کې شوي دي، د افغانستان بانک یې هرکلی کوي. د افغانستان د بیا رغونې د مدیریت صندوق او نړیوال بانک تازه ۷۹۳ میلیونه ډالره مرسته د افغانستان لپاره تصویب... Читать дальше...
د کډوالۍ نړیوال سازمان وايي، په افغانستان کې زرګونه بېځایه شوې ښځې روغتیایي خدمتونو ته د لاسرسي په برخه کې له ننګونو سره مخ دي. دې سازمان په خپله ټویټرپانه لیکلي، د ښځینه روغتیایی کارکونکو د کمښت له امله ښځې او نجونې د کافي ملاتړ موندلو لپاره لا هم مبارزه کوي. په افغانستان کې د کډوالۍ نړیوال سازمان وايي، دوی سږ کال د ۵زره څخه زیاتو مېرمنو ته د زېږون پر مهال خدمات وړاندې کړي. دا په داسې حال کې ده، چې په افغانستان روغتیايي خدمتونو ته لاسرسی کم شوی او تر خوا یې د زېږون پر مهال د مور او ماشوم د مړینې ګواښ زیات شوی دی.
افغانستان پرون په پنځوس اووره مسابقه کې کوربه هېواد زېمبابوې ته د ۶۰ منډو په توپیر ماتې ورکړه. مسابقه افغانستان پیل کړه، چې د ۵ لوبغاړو په سوځېدو سره یې ۲۷۶ منډې وکړې او مقابل ټیم ته یې د ۲۷۷ منډو هدف وټاکه. زېمبابوې په داسې حال کې چې یوازې د ۲۱۶ منډو په کولو توانېدلی و، ټول لوبغاړي یې وسوځېدل. د دواړو هېوادونو بله ۵۰ اووره مسابقه راروانه دوشنبه ده.
د طالبانو د بهرنیو چارو سرپرست وزیر وايي، د دوی اداره له هېڅ ګاونډي هېواد سره کومه ستونزه نه لري. امیر خان متقي دا څرګندونې پرون په کابل کې یوې غونډې ته وکړې. هغه وویل: «له ټولې نړۍ سره مو بهترین متوازن سیاست پرمخ بوت. نن له یوه ګاونډي سره هېڅ ډول ستونزه نه لرو. نن شېرخان بندر هم ازاد دی. حیرتان، تورغونډۍ، اسلام کلا، سپین بولدک او تورخم هم ازاد دي، له ټولو سره حسنه روابط لرو.» متقي دا څرګندونې داسې مهال کوي، چې پر افغانستان د طالبانو پر بیا واکمنېدو ۹ نیمې میاشتې اوړي، خو د نړۍ یوه هېواد یې هم حکومت په رسمیت نه دی پېژندلی.
د کډوالو په چارو کې د ملګرو ملتونو لویه کمېشنري وايي، په سمنګان ولایت کې د کار په بدل کې د مزد له پروګرام څخه ۲۷۵ کورنۍ برخمنې شوې دي. دغې ادارې پرون په یوه لنډکۍ اعلامیه کې ویلي، دغه کورنۍ توانېدلي د کار په بدل کې په دې مزد سره خپلې لومړنۍ اړتیاوې پوره کړي. ملګرو ملتونو خبرداری ورکړی، چې په افغانستان کې نیمايي وګړي عاجلو بشري مرستو ته اړتیا لري.
په افغانستان کې د سره صلیب نړیوالې کمېټې استازولي وايي، دوی دا مهال په افغانستان کې د ۳۳ روغتونونو ملاتړ کوي. د دې استازولۍ مشر ایلوی فیلیون پرون په خپل رسمي ټویټر کې لیکلي، چې یوازې د کابل په ملالۍ زېږنتون کې چې د دوی سازمان یې ملاتړ کوي، د ورځې ۷۵ نوي ماشومان زېږي، چې هر ډول اساسي روغتیايي خدمات ور رسېږي. شکایتونه کېږي، چې د افغانستان په زیاتو لیرې پرتو سیمو کې امیندوارو میندو ته د صحي خدماتو امکانات محدود دي.
د ترکیې سفارت وايي، په کابل کې یې پر ۵۰۰ کورنیو بشري مرستې وېشلي دي. دغه سفارت پرون په یوه لنډ بیان کې ویلي، دا هغه مرستې دي، چې د «نېکي» په نوم رېګاډي په وسیله افغانستان ته لېږل شوې وې. ترکیې تر دې مخکې هم په بېلابېلو ولایتونو کې له سلګونو اړو کورنیو سره بشري مرستې کړې وې.
د هند د شمال په یوه فابریکه کې د اورلګېدنې له کبله لږترلږه ۸ کارګران مړه او تر لسو زیات نور ټپیان شول. د پولیسو یوه لوړ رتبه افسرو، پراوین کمار پرون شنبه وویل، د اوتار پردېش ایالت په هاپور کې د یوه بایلر تر چاودنې وروسته فابریکه کې اور ولګېد. چارواکي وايي، د پېښې په اړه څېړنې پیل شوې دي.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости