د چین-امریکا رقابت؛ نړیوال بانک سږکال د ورو اقتصادي ودې وړاندوینه کوي
د نړۍ د اقتصادي لرلید په رپوټ کې چې د نړۍ ۱۸۹ پوروړونکو هېوادونو ته دې نړیوالې مالي موسسې پرون خپورکړی ویل شوي چې سږکال به د نړۍ اقتصادي وده ۲،۵ وي چې هغه یوڅه د تېرکال په نسبت چې په سلو کې ۲،۴ وه، ښه والی ښیي.
د تېرکال په جون کې د ۲۰۱۹ کال اقتصادي وده، په سلو کې ۲،۶ او د ۲۰۲۰ کال هم ۲،۷ سلنه اټکل شوې وه.
په واشنګټن کې میشت نړیوال بانک ویلي چې ۲۰۱۹ کال په نړۍ کې د یوې لسیزې مخکې مالي بحران راهیسې د اقتصادي ودې له پلوه ترټولو کمزوری کال و.
خودا وړاندوینه هم کوي چې د سوداګرۍ او جیوپولیټیک کړکیچونو په اړه مبهم حالت کولای شي چې د سږکال نسبي اقتصادي وده بیا هم کمزورې کړي.