سټولټنبرګ د ناټو تړون د پیاوړتیا لارې چارې لټوي
دا په داسې حال کې ده، چې په اروپا کې د امریکا د متحدو ایالتونو، متحدو هېوادونو له جرمني څخه د امریکايي ځواکونو د ایستلو د طرحې په اړه اندېښنه ښوولې ده.
د امریکا چاپ والستریت ژورنال ورځپاڼې پرون یکشنبه راپور ورکړی و، د امریکا ځینو متحدانو ویلی، دغې طرحې د ناټو تړون په اړه پوښتنې ولاړې کړي او د دوی په وینا دښمن، له دې جملې روسیه یې تقویه کړې ده.
دغې ورځپاڼې تېره جمعه هم راپور ورکړی و، چې د امریکا ولسمشر ډونالډ ټرمپ په پام کې لري، چې د شا و خوا ۹۰۰۰ امریکایي سرتېرو د ایستلو پلان عملي کړي.
هغه له اوږدې مودې راهیسې شکایت کړی، چې جرمني په ناټو تړون کې هغسې چې په کار وه، خپل ۲ فیصده اقتصادي عواید پر نظامي برخه نه دي لګولي.