امانوئل مکرون او ولادیمیر پوتین وېډيو کنفرانس کوي
![امانوئل مکرون او ولادیمیر پوتین وېډيو کنفرانس کوي](https://gdb.rferl.org/2F3BC580-F103-496F-9F58-F9122275CECC_cx43_cy2_cw57_w800_h450.jpg)
د فرانسې ولسمشر امانوئل مکرون به د روسیې له ولسمشر ولادیمیر پوتین سره نن وېډیو کنفرانس وکړي.
د دوی د خبرو په اجنډا کې به د کرونا وبا، امنیتي مسایل او د اوکراین وضعیت شامل وي، د سوریې پر وضعیت، د ایران پر موضوع او د لیبیا په اړه به هم خبرې وکړي.
د فرانسې ولسمشرۍ ماڼۍ څو ورځې مخکې ویلي وو، د روغتیا او چاپېریال په برخو کې پر همکارۍ به هم بحث کېږي.
د فرانسې ولسمشرۍ ماڼۍ ویلي، له روسیې سره د ټولو پېچلو موضوعاتو د حل اړتیا لیدل کېږي.
امانوئل مکرون له اروپا غوښتنه کړې چې له روسیې سره پر خپل ستراتېژیک شراکت له سره غور وکړي.