ولسمشر غني کندهار کې د ملي اردو د افسرانو ستونزې اوریدلي
ولسمشرۍ ماڼۍ د دغو لیدو کتو انځورونه رسنیو ته لېږلي، خو دا معلومات نه دي خپاره شوي چې خبرې په کومو مسئلو ور ټولې وې.
ښاغلی غني نن پنجشنبه (د لېندۍ ۲۷مه) سهار کندهار ته ولاړ او دغلته یې له یو شمېر قومي مشرانو، ولسي استازو او ځایي چارواکو سره وکتل.
محمد اشرف غني داسې مهال کندهار ته ځي چې وروستیو اونیو کې دغه ولایت په ځانګړي توګه ارغنداب ولسوالۍ او شااوخوا سیمې یې د تودې جګړې شاهدې وې.
تازه د کندهار والي او د ارګ یوه سلاکار طالبانو ته وویل چې د سولې راتلونکې خبرې باید کندهار کې ترسره شي.
معلومه نه ده چې دغه ولایت ته د ښاغلي غني سفر له دغو خبرو سره څه ارتباط لري او که نه؟