د امریکا روغتیايي چارواکو د کرونا د پېښو د زیاتېدو ګواښ کړی
روغتیايي چارواکي بیا د کاروبارونو د بیا پرانېستلو له امله د کرونا د پېښو د زیاتېدو ګواښ ورکوي.
تر اوسه پورې ۹۹ میلیونه او شپږ لکه امریکایانو چې د دغه هېواد ۳۰ فیصده نفوس دی لږ تر لږه یو ډوز کرونا واکسین ترلاسه کړی دی.
د امریکا د ناروغیو د کنټرول او مخنیوي د مرکز د راپور له مخې د اپرېل تر لومړۍ نېټې ۵۶ میلیونه کسانو ته د واکسین دواړه ډوزونه تطبیق شوي.
کله چې د امریکا ولسمشر جوبایډن د جنورۍ په شلمه سپېنې ماڼۍ ته ننوت هدف یې وټاکه چې په کار په لومړیو سلو ورځو کې به سل میلیونه امریکایان واکسین شي.
د کرونا مدرنا او فایزر بیو ان تیک واکسینونونه دوه ډوزه تطبقیږي.
په یوه بل خبر کې د فایزر او جرمني ګډې کمپنۍ بیو ان ټیک شرکت ویلي چې د دوی واکسین د کووېډ- ۱۹ پر وړاندې ۹۱ فیصده موثر تمام شوی او ان د دواړو ډوزونو تر لګېدو ان شپږ میاشتې وروسته هم د سختې ناروغۍ مخه نیسي.