کونړ چارواکي: چپه دره کې د افغان ځواکونو او طالبانو جګړه روانه ده
د کونړ په چپې درې ولسوالۍ کې د افغان ځواکونو او وسله والو طالبانو ترمنځ جګړه روانه ده.
د کونړ امنیه قوماندانۍ ویاند فرید الله دهقان ازادي راډیو ته د دې پېښې په اړه وویل: "تېره شپه شااوخوا یوه بجه د وسله والو طالبانو او افغان ځواکونو وروسته هغه جګړه پیل شوه چې کله مخالفینو د ګلسلک په ساحه کې په امنیتي پوستو برید وکړ."
د ښاغلي دهقان په وینا، جګړه لا هم نه ده دریدلې.
وسله والو طالبانو په دې اړه څه نه دي ویلي.