دفاع وزارت: بېلابېلو ولایتونو کې عملیاتو طالبانو ته درنه مرګژوبله اړولې
دغه وزارت نن یوه خبرپاڼه کې ویلي، یوازې یې د کندهار په ژړۍ او ارغنداب ولسوالیو کې ۷۵ طالبان وژلي دي.
وزارت په زابل، ننګرهار، کونړ او تخار ولایتونو کې هم لسګونه طالبانو ته د مرګژوبلې اړولو ادعا کړې ده.
د طالبانو د سیاسي دفتر ویاند محمد نعیم بیا پر دې عملیاتو غبرګون ښودلی او یوه خبرپاڼه کې یې ادعا کړې چې د عملیاتو پر مهال په کندهار او بدخشان کې د ملکیانو کورونه ویجاړ شوي دي.
خبرپاڼه کې راغلي، بهرني ځواکونه هم له افغان هغو سره دې عملیاتو کې مخامخ یا استخباراتي مرسته کوي.
د طالبانو په خبرپاڼه کې راغلي، که دا عملیات ونهدرېږي، د دوی پوځي کمېسیون بهیې په ځوابي اقدام غور وکړي.
تازه د افغانستان لپاره د ملګرو ملتونو ځانګړې استازې دیبرا لاینز ویلي، که تاوتریخوالی کم نهشي، افغانستان کې د سولې خبرې نهبریالۍ کېږي.