په نړۍ کې ملیونونه عیسویان نن د ایستر مراسم لمانځي
د نړۍ د کاتولیکانو مشر پاپ فرانسېس له خلکو غواړي چې نهیلې نهشي.
د سنت پترز باسیلیکا په کلیسا کې به نن د پاپ فرانسېس وینا ته لږ کسان راټول شي . د معمول سره سم پاپ فرانسېس دغه اختر په واتیکان کې د سنت پترز په میدان کې د زرګونه کسانو په حضور کې لمانځي او عنعنوي وینا کوي، خو سږ کال دا مراسم په باسیلیکا کې ترسره کېږي.
پاپ فرانسېس پرون د ایستر د شپې په مراسمو کې چې خلک پهکې ویښ پاتېږي، په خبرو کې هیله وښوده چې د ده په وینا دا توره دوره ژر ختمه شي او خلک بېرته عادي ژوند ته راوګرځي.
دغه مراسم داسې وخت لمانځل کېږي چې حکومتونو د کرونا ویروس د خورېدو د مخنیوي لپاره په دې وروستیو کې محدودیتونه ډېر کړي دي او هممهاله د واکسین پروګرامونه هم دوام لري.