کندز کې یوه ټرافیکي پېښه کې یو مړ او ۲۳ نور ژوبل شوي
د کندز ولایت د حوزوي روغتون رئیس ډاکتر نعیم منګل ازادي راډیو ته وویل چې دا پېښه سهار شااوخوا ۹ بجې په ابدان دښته کې شوې ده.
د ښاغلي منګل په وینا روغتون ته ۲۳ ټپیانو وروړل شوي چې د هغو په منځ کې ۱۵ ښځې، ۵ ماشومان او نور سړي دي.
د پېښې د څرنګوالي په اړه د ټپیانو یو خپلوان وايي چې دوی په یو ټونس پیکپ موټر کې له ارچي ولسوالۍ څخه راتلل چې په لار کې د موټر ټاير بچ شو او له دې کبله چې د موټر سرعت زیات و، چپه شو.