اکاش چوپړا: راشد خان به 'ای.پي.اېل' کې زیاتې وېکټې ترلاسه کړي
نوموړي یې دلیل دا ښودلی چې راشدخان سږکال په داسې ویشتن ځایونو لوبې کړي چې سپېن بالېنګ ته خورا مساعد و.
د اکاش چوپړا په خبره راشدخان خپلې لومړنۍ پنځه سیالۍ په چینای ایالت کې کوي چې د هغه ځای پیچونه د سپېن بالېنګ لپاره خورا برابر دي.
د هغه په خبره، خان به ۴ نورې لوبې د ډیلي ښار په ویشتن ځایونو کې ترسره کړي چې دا پیچونه هم د سپېن بالر لپاره ملاتړي دي.
د 'ای.پي.اېل' لوبې سبا جمعه د اپریل په نهمه نېټه د افغانستان پر وخت ماښام شپږ نیمې بجې د بنګلور او ممبیي لوبډلو په لومړۍ لوبه پرانېستل کېږي.
لومړۍ لوبه په چینای ایالت کې ترسره کېږي.
دغه ۵۶ لوبې به دروان کال د مې میاشتې تر ۳۰ مې نېټې پورې دوام وکړي او پای لوبه به د احمد اباد ښار کې په نرېندرا مودي لوبغالي کې ترسره شي.
هیره دې نه وي چې سږکال هم درې افغان لوبغاړي په دې لیک کې له حیدراباد لوبډلې سره مل دي.