تاجکستان کې یو تورن د پولیسو د یوې ودانۍ له کړکۍ له ټوپ اچولو وروسته مړ شو
په تاجکستان کې په غلا تورن هغه کس مړ شو چې د پولیسو د یوې ودانۍ له کړکۍ نهیې ټوپ اچولی و.
د تاجکستان کورنیو چارو وزارت وایي، دا پېښه پلازمېنې دوشنبې ته په ۱۹ کیلومتري واټن کې د وحدت ښار دننه شوې ده.
وزارت ویلي، تورن ۳۱ کلن مهردین ګادوزاده د پولیسو د ودانۍ له درېیم پوړه تر ټوپ کولو وروسته په روغتون کې ساه ورکړه.
د ښاغلي ګادوزاده کورنۍ تر اوسه په دې اړه څه نهدي ویلي.
د پولیسو خبرې هم تر اوسه کومې خپلواکې سرچینې نهدي تأیید کړي.
له کلونو راهیسې د بشري حقونو ملي او نړیوالې ډلې د تاجکستاني چارواکو لهخوا د زندانیانو او تورنو کسانو د شکنجې یادونه کوي.