د امریکا یو پخوانی مرستیال ولسمشر والټر اېف موندېل مړ شو
د نوموړي د کورنۍ غړو د هغه د مړینې د علت په اړه څه نه دي ویلي.
موندېل د ۱۹۷۷- ۱۹۸۱ کلونو ترمنځ د جېمي کارتر د مرستیال، سناتور، سفیر او د میناسوټا ایالت د لوی څارنوال په توګه کار کړی دی. هغه چې یو مخکښ لېبرال دیموکرات و، پرون په مینیا پولیس ښار کې په خپل کور کې سا ورکړه.
موندېل د ۱۹۸۴ کال د ولسمشرۍ په انتخاباتو کې د رونالډ رېګان پر وړاندې چې خورا زیات محبوبیت یې درلود، ماتې وخوړه.