د غزني د ده یک ولسوالۍ سرپرست امنیه قوماندان ووژل شو
د غزني د والي ویاند واحدالله جمعهزاده د دې پېښې په اړه ازادي راډیو ته نن وویل: "د دهیک سرپرست امنیه قوماندان ساتنمن جاوېد تېره شپه له وسلهوالو طالبانو سره په جګړه کې ووژل شو."
جمعهزاده همداراز وویل چې په دې نښته کې د غزني د مرکز د لومړۍ امنیتي حوزې امر جاوېد خلجی ټپي شوی دی.
د ده په وینا طالبانو ته هم درنه مرګژوبله اوښتې، خو د تلفاتو د دقیق شمېر په اړه څه نهشي ویلی.
له څو ورځو راهیسې د غزني په قرهباغ، مقر، اب بند او دهیک ولسوالیو او د غزني د مرکز په ارزو سیمه کې سختې جګړې روانې دي.