فاریاب کې د نوي والي د ټاکنې د پرېکړې پر ضد مظاهره وشوه
د ازادي راډیو د خبریال د راپور له مخې په نننۍ مظاهره کې چې زرګونه کسانو ګډون په کې کړی وو، د نوي والي د ګُمارنې له پرېکړې سره مخالفت وشو.
د سیمه ییزو ارګانونو خپلواکې ادارې پرون جمعه (د غويي ۳مه) اعلان وکړ چې د ولسمشر د فرمان پر اساس محمدداود د نقیب الله فایق پر ځای د فاریاب د نوي والي په توګه په دنده ګومارل شوی دی، خو د ولسمشر پخواني مرستیال عبدالرشید دوستم سمدستي له دې پرېکړې سره مخالفت وکړ.