جلال اباد ښار کې چاودنې ۶ تنه ټپیان کړل
د ننګرهار په مرکز جلال اباد ښار کې چاودنې ۶ تنه ټپیان کړي دي.
د ننګرهار مطبوعاتي دفتر ازادي راډیو ته په استول شویو معلوماتو کې ویلي چې نن پنجشنبه(د غويي ۹مه) شااوخوا نهه بجې د برېښنا ریاست په یوه اړوند موټر چاودنه وشوه چې د موټر چلوونکي په ګډون د دغه ریاست درې کارکوونکي او د یوې ښځې په ګډون دوه عام وګړي ټپیان شول.
د معلوماتو له مخې، پېښه د چسپکي ماین د چاودنې له امله وه چې د جلال اباد ښار د څلورمې ناحیې په چهل متره سیمه کې شوې ده.
په معلوماتو کې د ټپیانو روغتیایي وضعیت د ډاډ وړ ښودل شوی دی.
د پېښې مسؤلیت چا نه دی منلی.