د باغیس والي: سنګ اتش سیمه کې له ۱۰ زیات طالبان وژل شوي
حسام الدین شمس ازادي راډیو ته وویل، په سیمه کې له تېرې شپې جګړه روانه ده او له نن شنبې(د غبرګولي ۲۲مه) سهاره د ملي اردو له کمپ سره اړیکې پرې شوي دي.
بل خوا یوې سرچینې د نوم نه ښوولو په شرط ویلي، شااوخوا ۲۰۰ سرتېري له کومې نښتې پرته طالبانو ته تسلیم شوي دي.
د طالبانو یوه ویاند قاري یوسف احمدي ادعا کړې چې په لسګونو سرتېري له وسلو او مهماتو سره له دوی سره یوځای شوي دي.
د دې خبر کره والی نورو سرچینو نه دی تایید کړی.