Новости за 10.06.2021

د افغانستان له نژدې درې لکو معتادينو څخه په سلو کې تر لسو لږ يې له کوره بهر او پاتې نور يې په کور کې د کورنۍ د غړو په مخ کې نشه کوي. له دې لارې د کورنۍ هغه غړي هم معتاد شوي چې نه غواړي معتاد شي، خو د کور دغه ډول وضعیت د دوی اعتیاد ته لاره اواره کړې ده. زهرا څه ډول په نشو اخته شوه؟ زهرا چې د خپل مېړه له خوا په نشو اخته شوې وايي، په نشو تر اخته کېدو وروسته د کورنۍ پر غړو سربېره نژدې خپلوانو هم اړيکې ورسره پرې کړي دي. زهرا زیاتوي: "له ما سره هيچا همکاري و نه کړه، خو دا ځل مې خور راسره پخلا... Читать дальше...

د عوامي نیشنل ګوند سیاستوالانو او پلویانو د جون پر ۱۰مه د خیبر پښتونخوا په بېلا بېلو ښارونو کې مظاهرې کړې دي. دوی غواړي چې حکومت ورک کسان پیدا او عدالتونو ته وړاندې کړي. د ګوند پلویانو د مردان د خبریالانو مرکز مخې ته هم مظاهره وکړه. د ورکو کسانو په اړه د حکومتي کمېشن په وینا، تر اوسه یې د شاوخوا ۶،۰۰۰ ورکو کسانو مقدمې عدالتونو ته وړاندې کړي چې پکې تر ۴،۰۰۰ زیاتې قضیې حل شوي. ویډیويي رپورټ.

د مشال مرکه کېمو پخوانی سېنېټر عبدالنبي بنګش مېلمه دی. په نننۍ خپرونه کې له نوموړي سره پر دې موضوع مرکه شوي چې د پاکستان سېنېټ انتخاباتو کې هر وار د درغليو خبره کېږي، په دې خبرې کې څومره صداقت دی؟ د خپرونې کوربه ګل اياز دی

که څه هم د کابل ښار مرکزي سيمو کې د هندي رېکشاوو په ګرځېدو محدوديت شته، خو له دې سره سره‌یې شمېر هره ورځ زیاتېږي. ځیني کابل مېشتي که څه هم هندي رېکشاوو کې تګ راتګ اقتصادي بولي، خو ځيني نور بيا وايي، ښار کې یې ګڼه ګوڼه زیاته کړې. د کابل ټرافیک ریاست بیا وايي، هندي رېکشاوو ته به نمبر پلېټ ورنه‌کړي.

په افغانستان کې د جګړو شدت د دې هېوادو زرګونه اوسېدونکي اړ کړي چې په وروستیو په سختو لارو بهرنیو هېوادونو ته ځانونه ورسوي. تیاره راتلونکي او د کډوالۍ سخت ژوند د دغه افغانانو لپاره هغه ستونزې دي چې دوی ورسره لاس او ګریوان دي، که څه هم په بهرنیو هېوادونو کې کلونه ژوند تیروي، خو بیا هم له ځينو هېوادونو ایستل کېږي او بېرته افغانستان ته استول کېږي. د دوی له ډلې یو هم ۳۳ کلن شاه ولي دي. دی په افغانستان کې د کورنیو جګړو پر مهال ایران ته کډوال شو او وروسته يې سر ان جرمني ته ورسېده، خو نا خبره له دې... Читать дальше...

ټاکل شوې ده چې د نړۍ اووه صنعتي هېوادونه نړۍ سره د کرونا د واکسین د یو میلیارد دوزو د برابرولو ژمنه وکړي. دوی به په انګلستان کې په خپله درې ورځنۍ غونډه کې ژمنه وکړي چې د راتلونکي کال به بهیر کې به دا واکسین هغو هېوادونو ته واستوي چې ډېر پرمختللي نه‌دي. دا په داسې حال کې ده چې یوازې د امریکا متحده ایالات غواړي، د فایزر واکسین ۵۰۰ ملیونه دوزه په راتلونکو دوو کلونو کې  شااوخوا ۱۰۰ هېوادونو ته واستوي.

د امریکا متحده ایالاتو جمهور رئیس جو بایډن اروپا ته خپل سفر روسیې ته د دې هېواد د "زیان اړوونکو" کړنو په اړه په خبرداري پیل کړ. ښاغلي بایډڼ پرون د بریتانیا په یوه هوايي اډه کې د امریکا هوايي پرسونل ته وویل، د روسیې له جمهور رئیس ولادیمیر پوتین سره به په دوه اړخیزه غونډه کې  هغه ته څرګند پیغام ورکړي او هغه دا چې له روسیې سره د کړکیچ په هڅه کې نه‌دی او له دې هېواد سره د باثباته او وړاندوینې وړ اړیکو غوښتونکی دی. نوموړي زیاته کړه، دا یې روښانه کړې چې که د روسیې حکومت په زیان اړوونکو کړنو کې ښکیل... Читать дальше...

د فوټبال نړیوال جام او د اسیاد اتلولۍ جام ته د لارموندنې د سیالیو په دوام سبا د افغانستان او عمان د فوټبال ملي لوبډلې د یو بل په وړاندې د سیالۍ ډګر ته وځي. د افغانستان د فوټبال فدراسیون ویاند فېروز مشعوف ازادي راډیو ته وویل چې دا سیالۍ به د افغانستان په وخت د شپې په شل کم لس بجې پیل شي. ښاغلی مشعوف زیاتوي: "له هره اړخه چې فکر وکړئ د عمان ځای پورته دی. هغوی تر موږ په لوړه رده کې دي، خو موږ مخکې هم ښودلې چې له هېچا نه‌وېرېږو. موږ سبا شپه د ښې پایلې د ترلاسه کولو په هدف د عمان په وړاندې د لوبې ډګر ته وځو. Читать дальше...

د سعودي عربستان مکه مکرمه د افغانستان د جګړې په اړه د افغان او پاکستاني دیني عالمانو د غونډې کوربه وه. د دیني عالمانو دا ناسته چې نن پنجشنبه «۱۴۰۰ کال د غبرګولي ۲۰» د سعودي عربستان په کوربه‌توب وه، د افغانستان د جګړې او په دې هېواد کې د سولې او ثبات د تینګښت په اړه په‌کې خبرې اترې او بحثونه وشول او دغه‌راز د خبرو اترو له لارې د افغان جګړې په پای ته رسېدو تینګار وشو. د اسلامي همکارۍ سازمان کې د پاکستان دایمي استازي رضوان سعید د افغانستان په سوله کې د پاکستان په همکارۍ ټینګار وکړ او ویې‌ویل چې... Читать дальше...

د پاکستان دولتي راډیو وايي، د دیني چارو لپاره د وزیراعظم ځانګړي سلاکار مولانا طاهر اشرفي تر غونډې وروسته وویل چې د دواړو هېوادونو علماو په یوه خوله د تاوتریخوالي ضد غږ پورته کړ.

د دې اوونۍ "هارون باچا هنري ګړۍ" خپرونه مو د ملاکنډ د نوميالي شاعر امير رزاق امير پر ژوند او هنر خبرو ته ځانګړې کړې ده. نوموړی د جون پر اوومه په ۶۳ کلنۍ کې د زړه درېدو له امله ومړ او په خپل کلي درګۍ کې خاورو ته وسپارل شو. د سيمې شاعرانو او فرهنګيانو د امير مړينه د پښتني شعر و ادب لپاره لويه ضايعه بللې. په خپرونه کې د دوی د خبرو ترڅنګ له موسيقۍ سره ويل شوي د امير رزاق امير ځينې شعرونه هم اورېدای شئ.

پخوانی خبریال حفیظ‌الله حقپرست د روانې اوونۍ د چهارشنبې په ورځ د لوګر ولایت مرکز پل علم اړوند په کلنګار سیمه کې ووژل شو. عیني شاهدان وايي چې هغه په خپله ځمکه کې په کرونده بوخت و چې د ښکېلو ډلو په نښته کې ووژل شو. حفیظ‌الله حقپرست له تېرو شاوخوا شپږو میاشتو راهیسې له کومې رسنۍ سره دنده نه‌درلوده.

جمهوري ریاست د اطلاعاتو او فرهنګ وزارت هغه وړاندیز منظور کړ چې له مخې یې په هلمند کې یوه څلورلارې د ازادي راډیو د وژل شوي خبریال الیاس داعي په نوم نومول کېږي. ازادي راډیو ته د دې وړاندیز او منظورۍ مکتوب رسېدلی دی. په دې مکتوب کې د جمهور رئیس غني له قوله لیکل شوي: "د خبریالانو او د بیان له ازادۍ څخه د ملاتړ په هدف، له وړاندیز سره سم، د شهید الیاس داعي په نوم د وړاندیز شوې څلورلارې نومول منظورم." د حکومت د اطلاعاتو او رسنیو مرکز مشر دوا خان مینه‌پال ازادي راډیو ته وویل، نور به دا واټ رسماً د الیاس داعي په نوم یادېږي. Читать дальше...

په داسې حال کې چې په افغانستان کې کرونا ویروس ورځ تر بلې د پراختیا په حال کې دی، د چین له لوري د دغه ویروس پر وړاندې مرسته شوی واکسین نن پنجشنبه (د غبرګولي ۲۰مه) افغان حکومت ته وسپارل شول. ‎د افغانستان د عامې روغتیا وزارت مرستیال ویاند میرویس علي زي د پنجشنې په ورځ ازادي را‌‌‌‌‌‌ډیو ته وویل: "چین له افغانستان سره د ۷۰۰ زرو او ۲۰۰ډوزونو کرونا واکسین د مرستې ژمنه کړې وه چې له نېکه مرغه دغه اندازه واکسین به کابل ته انتقال شي او رسماً به د عامې روغتیا وزارت هغه تر لاسه کړي." ‎ښاغلی علي زی وایي، دا... Читать дальше...

د اباسین د اوبو د وېش ادارې (انډس رېور سسټم اتارټي یا ارسا) ویاند خالد ادریس رانا د جون پر نهمه له مشال راډیو سره په خبرو کې د سيند وزير اعلا دغه تورونه ردوي او وايي، د اوبو په وېش کې له هېڅ صوبې سره زياتی نه کېږي.

د مشال مرکه خپرونه کې مو د خيبر پښتونخوا د اعلا وزير له سلاکار عبدالکريم خان سره خبرې کړې دي. نوموړی د صوابۍ دی او په صوبايي اسمبلۍ کې د واکمن ګوند غړی دی. عبدالکریم خان په مرکه کې پر بهر مېشتو پاکستانیانو غږ وکړ چې په صوبه کې دې پانګونه وکړي. خپرونه د غږ په ځای کې اورېدای شئ.

افغان سیمه ییز چارواکي وايي، په غزني کې ۲۴ تنه وسله وال طالبان وژل شوي دي. د غزني ولایت د والي ویاند واحدالله جمعه زاده د پنجشنبې په ورځ (د غبرګولي ۲۰مه) رسنیو ته په لیږلي پیغام کې ویلي دي چې نن سهار وختي څلور بجې وسله والو طالبانو د غزني ولایت مرکز اړوند په شهباز خان سیمه کې د افغان ځواکونو پر یوه بېز له څلورو لورو برید ورکړ چې د افغان ځواکونو له هوايي او ځمکني مقاومت سره مخ شول. ښاغلي جمعه زاده زیاته کړه: "د برید په ترڅ کې ۲۴ تنه وسله وال مخالفین وژل شوي، د هغوی دوه موټران، یو شمېر موټر سایکل،... Читать дальше...

د امریکا د بهرنیو چارو وزارت په بغلان ولایت کې د لس ماین پاکوونکو وژنه غندلې ده. د امریکا د بهرنیو چارو وزارت ویاند نېډ پرایس د چهارشنبې (د غبرګولي ۱۹مه) د ورځې په خبري غونډه کې په دې اړه د سمدستي څېړونو غوښتنه وکړه.   نوموړی زیاته کړه: "موږ د افغانستان په بغلان ولایت کې هغه وحشتناک برید چې په کې د هلو ټرسټ  د نړیوال سازمان لس ماین پاکان ووژل شول او ۱۶ نور ټپیان شول په سختو ټکو غندو. هلو ټرست کلونه وشول افغانستان کې د ماین پاکۍ چارې پر مخ وړي. دا یو مهم کار دی چې ټولو افغانانو ته یې ګټه رسیږي."... Читать дальше...

د افغانستان اسلامي جمهوریت او پر طالب مرکچي پلاویو نیوکه ده چې ګنې دوحې ته د زلمي خلیل‌زاد له رسېدو او پر دوی د فشار راوستو وروسته سره د سولې خبرو ته کېناستل. خو دواړه لوري دا ادعا ردوي او وايي، د وړمې شپې غونډه کې یې پر ځینو بنسټیزو موضوعاتو هوکړه کړې او د همدې توافق پر اساس به، ډېر ژر د "سولې معنی لرونکي" خبرې پیل کړي. د سولې په چارو کې د دولت وزارت ویاندې ناجیه انوري ازادي راډیو ته وویل، دواړه لوریو هوکړه کړې چې د اجنډا پر بنسټیزو او بنیادي موضوعاتو به خبرې پیلوي. اغلې انوري زیاته کړه: "دوی... Читать дальше...

له تربېلې سره نېږدې د صوابۍ سیمې اوسېدونکي وايي، د ګرمۍ له زیاتېدو سره او د تربېلې ډیم د بجلۍ بندښت ورته مشکلات جوړ کړي.

ملګرو ملتونو نن پنجشنبه (د غبرګولي ۲۰مه) وویل چې په تېرو دوو لسیزو کې د لومړي ځل لپاره د هغو ماشومانو شمېر زیات شوی چې کار کوي او دې سازمان خبرداری ورکړ چې د کرونا وبا د میلیونونو نورو ماشومانو ژوند له خطر سره مخامخ کوي. د ماشومانو لپاره د ملګرو ملتونو موسسې، یونېسف او د کار نړیوال سازمان په خپل ګډ راپور کې ویلي دي چې په نړۍ کې د هغو ماشومانو شمېر چې کار کوي ۱۶۰ میلیونو ته لوړ شو چې دا شمېره په تېرو څلورو کلونو کې ۸ میلیونه او ۴ لکو ته لوړه شوې ده. د یونېسف اجرایي رییسې هنریتا فور وویل: "د ماشومانو... Читать дальше...

د افغانستان د ارشاد، حج او اوقاف وزارت وایي، د دوو کلونو تر هڅو وروسته بریالی شو نن (پنجشنبه) د سعودي عرب په کوربتوب د افغانستان او پاکستان د دیني عالمانو لویه غونډه جوړه کړي، خو طالبان له دې غونډې ځان بې خبره ښیي.

د لوګر له ناامنيو څخه د یوه راپور ورکوونکي غږ د تل لپاره چوپ شو.کابو ۳۶ کلن حفیظ الله حقپرست د روانې اوونۍ د چهارشنبې (د غبرګولي ۱۹مه) په ورځ له غرمې وړاندې د لوګر ولایت د مرکز پل علم اړوند په کلنګار سیمه کې هغه مهال چې په خپله ځمکه کې په کرونده بوخت و ووژل شو. د نوموړي د کورنۍ غړي وایي، حق پرست د افغان ځواکونو او وسله والو طالبانو ترمنځ د رامنځته شوي نښتې له امله چې د جنګ یوه مرمۍ یې په لاس او سینه ولګېده، ووژل شو. د رحمت الله په نوم د حق پرست وراره له رسنیو سره په خبرو کې ادعا کوي چې کاکا یې د افغان سرتېرو له لوري په فیر شوي مرمۍ لګیدلی. Читать дальше...

د هرات ولایت په صنعتي ښارګوټي کې د زرنج موټرسایکل د تولید او بسته بندۍ فابریکې خپله پانګونه ۱۴ میلیونه افغانیو ته لوړه کړې ده . د صنعت او سوداګرۍ وزارت ویاند فواد احمدي ازادي راډيو ته وویل، دا فابریکه د زرنج موټر سایکلونو فرېم، باډې جوړولو او بسته بندۍ برخه کې کار کوي. د ښاغلي احمدي په خبره دا فابریکه د معیاري ماشینونو په درلودو سره په میاشت کې د ۹۰۰ فریمونو او باډېو د تولیدولو وړتیا لري چې خپل د اړتیا وړ اومه مواد په کور دننه پوره کوي. په هرات ولایت کې د زرنج موټر سایکل فابریکه له خپلو محصولاتو... Читать дальше...

د افغانستان د کرنې، اوبو لګولو او مالدارۍ وزارت، د کرنې د پراختیا صندوق له لارې د ۲۵۵ میلیونه افغانیو په ارزښت کرنیز پورونه منظور او تائید کړل. د دغه وزارت ویاند اکبر رستمي نن پنجشنبه (د غبرګولي ۲۰مه) ازادي راډيو ته وویل، په ټوله کې دوه ډوله پورونه منظور شول چې دواړه د کرنې په برخه کې فعالو شرکتونو ته ورکول کېږي. د نوموړي په خبره له دغو پورونو یو ډول د خوړو شرکت ته ومنل شول چې له کروندګرو غنم وپېري او خپلې اړتیاوې پرې پوره کړي. د ښاغلي رستمي په خبره دویم ډول پور د کارتن جوړونې یوې فابریکې... Читать дальше...