د جرمني دفاع وزیره د افغانستان په اړه د خبرو لپاره ترکیې ته ولاړه
د جرمني د دفاع وزارت ویاند وايي، د دغه هېواد دفاع وزیره به په انقره کې له خپل تُرک ساري او نورو چارواکو سره له افغانستانه د ناټو ځواکونو له وتلو وروسته په دې هېواد کې د ترکیې د راتلونکي رول او په مدیترانه کې د کړکېچ په اړه هم خبرې وکړي.
له ترکیې سره په وروستیو کې د کابل د حامد کرزي د نړیوال هوايي ډګر د امنیت په اړه خبرې شوي دي.
دا ترکیې ته د جرمني د دفاع وزیرې لومړنی سفر دی.