اوکرايني چارواکي: روسيې د اوکراين پر لوېديځ د بريدونو نوې لړۍ پيل کړې
د اوکراین لوی درستیز وايي چې روسيې د اوکراین په لوېدیځ کې پر باخموت او اودیوکا ښارونو باندې د بریدونو نوې لړۍ پیل کړی ده.
دا په داسې حال کې ده چې لوهانسک او خارکیف په مسلسل ډول د مسکو لهخوا تر برید لاندې دي.
د برېتانیايي د دفاع وزارت هم په خپل سهارنۍ خبري بولټن کې دا تایید کړه چې روسيې د اوکراین په لوېدیځ کې پر دونتسک او لوهانسک سیمو بریدونو ته زور ورکړی دی او په تېرو ۴۸ ساعتونو کې بریدونه پر باخموت، لوهانسک او سواتوف متمرکزه وو.
په همدې حال کې د روسيې ځواکونو سر قومندانۍ اعلان کړی چې په تېرو ۲۴ ساعتو کې یې په دوو توغندیزو بریدونو کې ۴۴ توغندي د باخموت او اودیوکا په شا او خوا کې پر پنځه ویشت ښارګوټو ویشتلي دي.
د تلفاتو په اړه تر اوسه څه نهدي ویل شوي.
پر اوکراین د روسيې تېری د تېرې فبرورۍ راهیسې پیل شوی او تر اوسه پورې ادامه لري.