اوکراین ته څېرمه د روسیې د کورسک سیمې یوه هوايي اډه نن د یوې بې پیلوټه الوتکې په وسیله په نښه شوه چې په نتیجه کې یې د تېلو یوه ټانک اور واخیست. د دې سیمې والي رومان ستارو وویت نن پر خپله ټلګرام پاڼه د پېښې خبر ورکړ خو ویې ویل چې تلفات نهلري او اور هم وژل شوی دی. نوموړي ونه ویل چې د پېښې مسوول څوک دی، خو روسي چارواکو د روسیې په خاوره کې د بې پیلوټه الوتکو په مخکینیو حملو اوکراین ګرم بللی دی.
اووه میاشتې وړاندې د طالبانو مشر هبتالله اخندزاده یو فرمان ورکړ چې پر بنسټ یې په افغانستان کې د کوکنارو پر کښت بندیز ولګېد. د افغانستان په ګرمو سیمو کې د کوکنارو له کښته له نږدې دوه اوونۍ تېرېږي، خو لا هم د دې سیمو له کروندګرو سره هېڅ ډول مرسته نهده شوې او نه هم ورته د بدیل کښت زمینه برابره شوې ده. د کندهار ميوند ولسوالۍ يو کروندګر حبيب الرحمن وايي، د تېرو کلونو په څېر يې سږ کال هم په خپلو ځمکو کې د طالبانو د غوښتنې سره سم کوکنار نهدي کرلي، خو د ژمنې برعکس طالبانو د بديل کښت په برخه کې له دوی سره هيڅ ډول مرسته نهده کړې. Читать дальше...
د بشري حقونو د څار نړۍوال سازمان د ډسمبر په ۵مه په یوه اعلامیه کې چې پر خپله وېبپاڼه خپره کړې ده، د المپيک له نړۍوالې کمېټې غوښتي چې په نړۍوالو لوبو کې د افغانستان پر ګډون بندیز ولګوي. دې سازمان ویلي، دا بندیز باید تر هغو دوام وکړي چې په دې هېواد کې ښځو او نجونو ته د ورزش اجازه نهوي ورکړل شوي. دې سازمان زیاته کړې، IOC باید دا پرېکړه د خپل اجراییوي بورډ په غونډه کې چې نن د ډسمبر په شپږمه د سویس په لوزان کې کېږي، وکړي. د دې سازمان د نړۍوالو نوښتونو څانګې مشر مینکي ورډېن ویلي، د طالبانو له... Читать дальше...
ټاکل شوې چې د فوټبال د نړیوال جام د حذفي لوبو د پړاو په دوو وروستیو لوبو کې د کابل په وخت د ماښام په اوه نیمو بجو مراکش او اسپانیا او د شپې په یوولس نیمو بجو پرتګال او سویس سره مخامخ شي. پرون د دې پړاو په دوو لوبو کې د جاپان او کرویشیا ترمنځ سیالي مساوي شوه چې وروسته کرویشیا په پنالټي شوټونو کې وګټله او د برازیل او جنوبي افریقا لوبه څلور- یو د برازیل په ګټه پای ته ورسېده. د نړیوال جام کوارټر فاینل لوبو ته د اتو بریالیو لوبډلو د سیالۍ پړاو د جمعې په ورځ د لیندۍ په اتلسمه پیلېږي.
په داسې حال کې چې په خیبر پښتونخوا کې ترهګر بریدونه زيات شوي، په سوات کې قامي جرګې او په بنو کې د دوکاندارانو اتحادیې د یو احتجاجي لاریون له لارې په سیمه کې د امنیت پر ځای کولو غوښتنه کړی ده. دا بریدونه وروستو له هغې ډېر شوي چې تحریک طالبان پاکستان خپلو وسلوالو ته په پاکستان کې د بريدونو کولو امر کړی دی.
د سرېلانکا کرېکټ بورډ ادارې له لوري د لنکا غوره لیګ شل اوریزو سياليو درېيم پړاو نن پيل شو. دغه سيالۍ چې د پينځو لوبډلو په ګډون پيل شوي دي پر افغانستان سربېره د نورو هېوادونو لوبغاړي هم پهکې برخه لري. د افغانستان له لوري په دې سيالیو کې رحمن الله ګربز، نجیب الله ځدراڼ، فضل الحق فاروقي، نوراحمد، نوین الحق، کریم جنت او وقار سلامخېل په بېلابېلو لوبډلو کې اخيستل شوي دي. په دې سياليو کې به ټولې ۲۴ لوبې ترسره شي او پایلوبه به یې د ډسمبر په ۲۳ نېټه ترسره شي.
د جلال اباد ښار د صرافۍ په بازار کې نن ماسپښین مهال چاودنه وشوه. عیني شاهدانو ازادي راډیو ته وویل چې چاودنه د جلال اباد تلاشۍ چوک ته څېرمه د پیسو د تبادلې په بازار کې شوې او مرګژوبله هم لري خو دقیق شمېر یې نهدی معلوم. په سیمه کې د طالبانو چارواکو تر اوسه په دې اړه څه نهدي ویلي. نن له دې مخکې په مزار شریف ښار کې هم پر یو بس د چاودنې په نتیجه کې لږ تر لږه ۶ تنه ووژل شول. په بلخ کې د طالبانو سیمهيیز چارواکي وايي،چاودنه سهار مهال د مزار شریف د درېیمې ناحیې په سیداباد څلور لارې کې د حیرتان... Читать дальше...
پاکستان ته د دريو ټېسټونو د لړۍ په لومړۍ لوبه کې تر شکست ورکولو وروسته، د انګلينډ لوبډلمشر وايي تېزې لوبې ته به دوام ورکوي. بین سټوکس د ډېسېمبر پر پينځمه سکای سپورټس ټيليويژن ته وويل چې په پاکستان کې د کرکټ توپ ویشتنې ځایونه (پيچونه) د بېټينګ لپاره دي نو ځکه پکې اکثره سیالۍ مساوي پای ته رسيږي. خو د هغه وينا څنګه چې يې په پينډۍ کې د تېز بېټينګ په کولو سره هغه سیالي وګټله، همداسې به جارحانه لوبې ته دوام ورکړي. د ډېسېمبر په لومړۍ نېټه په راولپينډۍ کې پيل شوې پينځه ورځنۍ لوبه کې، انګلينډ پاکستان ته په ۷۴ رنزونو شکست ورکړ. Читать дальше...
روسیې جاپان ته نږدې د کوریل په لانجمنو ټاپوګانو کې د میزایل دفاعي سیسټم ځای پرځای کړی دی. د روسیې دفاع وزارت نن وویل چې دا سیسټم یې د هغو ټاپوګانو د مجموعې چې د جاپان او د روسیې د کمچتکا ټاپووزمې ترمنځ پراته دي د شمال په یوه ستراتیژیک ټاپو کې ځای پرځای کړی دی. جاپان د روسیې تر واک لاندې د جنوبي کوریل پر ټاپوګانو د مالکیت ادعا لري او خپل شمالي قلمرو یې بولي. د دې ټاپوګانو پرسر لانجه د دوهمې نړیوالې جګړې په پای کې هغه مهال رامنځته شوه چې پخواني شوروي اتحاد له جاپان څخه ونیول. د روسیې دفاع... Читать дальше...
جاپان په افغانستان کې د بشري مرستو له پروژو سره د ۱۰۶.۷ میلیون ډالرو مرستې اعلان کړی. په کابل کې د جاپان سفارت نن پر ټویټر په یوه بیان کې د دې مرستې خبر ورکړی او ویلي یې دي چې دا مرسته به د ملګرو ملتونو د ادارو، د نړیوالو سازمانونو او غیردولتي ټولنو له خوا د افغانانو د خیرښېګڼې په پروژو کې ولګول شي. د بیان له مخې له دې مرستې سره د ۲۰۲۱ کال له اګسټ میاشتې راهیسې له افغانستان سره د جاپان مرسته ۳۳۵ میلیون ډالرو ته لوړېږي.
سپريم کورټ پرون (ډېسېمبر پر پینځمه) په بیان کې ويلي چې د ارشد شريف وژنې خبريالان او ولس ډېر خفه کړي دي او غواړې چې د دې پېښې پلټنې وشي. عمر عطا بنديال په خپلې مشرۍ کې د جسټس اعجازالحسن، جسټس جمال خان مندوخېل، جسټس مظاهر علي اکبر نقوي او پر جسټس محمد علي مظهر مشتمله جرګګۍ جوړه کړې ده.
د هند د ملي امنیت سلاکار اجیټ ډووال وايي، په افغانستان کې د ترهګرو شبکو د فعالیت دوام د اندېښنې وړ مسئله ده. که څه هم طالبان هر ځل وايي چې په افغانستان کې ترهګرې ډلې نهشته، خو ښکاري چې د دوى دا خبره د نړیوالو زړه ته نه لوېږي. تازه یو ځل بیا د هند د ملي امنیت سلاکار اجیټ ډووال ویلي، د افغانستان په ګډون په سیمه کې د ترهګرو ډلو ګواښونه د ټولو لپاره یوه ستره اندېښنه ده. هغه وویل: "د تروریزم مالي ملاتړ او د تروریزم پر وړاندې ګډه مبارزه باید زموږ ټولو ګډ هدف وي. موږ همدا ډول د ملګرو ملتونو له ټولو... Читать дальше...
د بشري حقونو د څار سازمان وايي، تر څو چې طالبانو افغان ښځو او نجونو ته د سپورټ اجازه نه وي ورکړې د المپیک نړیواله کمېټه دې په نړیوالو سپورټي سیالیو کې د طالبانو تر کنترول لاندې افغانستان ګډون وځنډوي. د بشري حقونو دې ادارې تېره شپه همداراز وویل چې د المپیک نړیواله کمېټه باید په دې اړه پرېکړه د خپل اجراییه بورډ په راتلونکې غونډه کې وکړي. ټاکل شوې ده چې د المپیک نړیواله کمېټه نن سې شنبه د سویس په لوزان کې غونډه وکړي.
د امریکا په یو پوهنتون کې روبوټونه زده کوونکو ته له رېستورانونو خواړه رسوي. د روباټونو دغه شرکت د امریکا پر ډېرو پوهنتونونو سربېره په نورو هېوادونو کې هم خپل خدمات وړاندې کوي. ایا د خوړو رسولو لپاره روباټ د انسان بديل ګرځېدای شي؟ تفصیل د رویټرز خبري اژانس په ويډيويي راپور کې وګورئ.
د روان ۲۰۲۲ز کال د جون پر ۲۲مه نېټه سختې زلزلې د خوست او پکتیکا یوشمېر سیمې لړزولې وې، چې پکې تر ټولو زیاته مرګژوبله او زیان د پکتیکا د ګیان او برمل اوسېدونکو ته اوښتی وو.
په بلخ کې د طالبانو د امنیه قوماندانۍ ویاند اصف وزیري مشال رېډیو ته وویل چې په چاودنه کې ۷ کسان زخمیان شوي هم دي.
د طالبانو د سوداګرۍ او صنعت وزارت وايي، په تېرو ۶ میاشتو کې افغانستان ایران ته د ۵ میلیون ډالرو صادرات او د څه باندې درې سوه پنځوس میلیون دالرو واردات لرل. د دغه وزارت پر اساس، ایران ته د افغانستان اکثره صادرات وچه مېوه او پنبه ده، خو له ایران څخه یې د ۳۵۱ میلیون ډالرو په ارزښت تېل او خوراکي مواد وارد کړي دي. طالبان پرون ویلي وو، په پلان کې لري چې افغانستان ته د ایران په وارداتو کې زیاتوالی راولي. طالبان وايي، هغه وخت رارسېدلی چې له ایران سره اقتصادي راکړه ورکړه زیاته شي او د طالبانو د بهرنیو... Читать дальше...
په یوه نظرپوښتنه کې څرګنده شوې چې د روسیې یوازې په سلو کې ۲۵ وګړي د جګړې پلوي دي. د اسوشېټېدپرېس خبري اژانس د راپور له مخې، دا نظرپوښتنه پر اوکراین د روسیې د یرغل په لسمه میاشت شوې او پایلې یې تېره اوونۍ د روسیې په یوه خپلواکه رسنۍ مدوزا کې خپرې شوې. مدوزا په خپله ویبپاڼه کې لیکلي چې دا نظرپوښتنه د کریمیلین په پټه غوښتنه شوې او دوی یې پایلې ترلاسه کړي دي. په نظرپوښتنه کې ۵۵ سلنه پوښتل شویو روسانو ویلي چې له اوکراین سره د خبرواترو غوښتونکي دي. تر دې څو ورځې وړاندې د روسیې لیوادا مرکز، چې ځان... Читать дальше...
د سوډان د پوځ قوماندانانو او د ځینو سیاسي ګوندونو مشرانو پرون دوشنبه یوه موافقه لاسلیک کړه چې د دوی په وینا په دوو کلونو کې واک لېږد او انتخاباتو ته لار هواروي. د دې موافقې پر اساس به هغه پراخ سیاسي تاوتریخوالی پای ته ورسېږي چې د ۲۰۲۱ د اکټوبر پوځي کودتا رامنځته کړی دی. دا موافقه، چې ممکن د سوډان د کړکېچ لپاره حللار وي، د ځینو سیاسي ډلو له مخالفت سره مخامخ شوې ده. د دې موافقې څو زره مخالفان پرون د خبرو ځای ته نږدې راټول شوي وو، خو امنیتي ځواکونو د هغو د تیتولو لپاره له اوښکي بهوونکي ګازه کار واخیست.
مزار شریف کې پر یو بس چاودنې مرګژوبله اړولې ده. بلخ کې د طالبانو د امنیه قوماندانۍ ویاند اصف وزیري وايي چې د مزار شریف ښار د درېیمې ناحیې په سیدآباد څلورلاري کې د حیرتان د نفتي موادو د کارکوونکو پر یو ۵۸۰ بس موټر د سړک غاړې ماین چاودنه کې ۵ تنه وژل شوي او ۴ نور ټپیان دي. ښاغلی وزیري وايي چې دا لومړني معلومات دي او ښايي د مرګ ژوبلې شمېر لوړ شي. تر اوسه د دغې چاودنې مسؤلیت تر اوسه چا نه دی منلی.
د ملګرو ملتونو د امنیت شورا یو پلاوی کندهار ته تللی او هلته یې له سیمه ییزو طالب چارواکو سره لیدلي. په کندهار کې د طالبانو امنیې قومندانۍ دې لیدنې جزییات او عکسونه رسنیو ته رسېدلي. په دې اړه په اعلامیه کې راغلي چې د امنیت شورا یاد پلاوي د دوشنبې په ورځ له امنیه قومندان رحیم الله محمود سره د پروژو د تطبیق په برخه کې د همکاریو او ځینو نورو مسلو په اړه خبرې وکړې. له ډېرو جزییاتو پرته په اعلامیه کې راغلي چې د کندهار امنیه قومندان د ملګرو ملتونو دغه پلاوي ته د بشپړ ملاتړ ډاډ ورکړی دی. په کابل... Читать дальше...
زابل کې یوې لوستې مېرمنې د ښوونکې په توګه شاوخوا سلو نجونو ته د زده کړو زمینه برابره کړې. د زابل د مرکز کلات څخه لرې د کاکړانو په نوم سیمه کې دغه پېغله په رضاکارانه ډول د خپل کلي نجونو ته لومړنۍ زده کړې ورکوي. دا په داسې حال کې ده چې دا مهال په ټول افغانستان کې د نجونو پرمخ له شپږم ټولګي پورته ښوونځي تړل شوي دي. نور تفصیل د لاندې لېنک په کېکاږلو اورېدلی شئ:
په کندهار کې د دوشنبې په ورځ ۵۰۰ ځوانان له روغتیايي نیمه لوړو زده کړو فارغ شول. د روغتیا په برخه کې له نیمه لوړو زده کړو څخه تازه فارغ شوي ځوانان د طالبانو له حکومت او مرستندویه بنسټونو غواړي چې د کار زمینه ورته برابره کړي. په عین وخت کې د روغتیا په برخه کې د افغانستان د خصوصي نیمه لوړو زده کړو ریاست مسوولان وايي، اړتیا ته په کتو دوی هڅه کوي چې د روغتیا په برخه کې د نیمه لوړو زده کړو قابلګي او نرسنګ څانګې عالي کړي نور تفصیل د لاندې لېنک په کېکاږلو اورېدلی شئ:
نن د فوټبال نړیوال جام د منځ لوبو وروستۍ ورځ ده. په قطر کې د فوټبال نړیوال جام د شپاړلس غوره لوبډلو د پړاو په وروستۍ ورځ به نن د کابل په وخت د ماښام په اوه نیمو بجو مراکش له هسپانیا او د شپې په یولس نیمو بجو پرتګال له سویس سره لوبې وکړي. د دې ورځې ګټونکې لوبډلې به د ډسمبر میاشتې په لسمه نېټه په کوارټر فاینل کې سره مخ شي. د یادونې ده چې پرون برازیل او کرووېشا د خپلو سيالانو په ماتولو سره کوارټرفاینل ته ووتل.
په قطر کې د فوټبال نړیوال جام سياليو په منځ لوبو کې کرووېشیا د پنالټي شوټونو په ترڅ کې جاپان مات کړ او برازیل بیا په یوه اړخیزه لوبه کې ۴-۱ سویلي کوریا له نړیوال جام بهر کړه. پرون په لومړۍ لوبه کې کرووېشيا او جاپان سره مخ شول، دواړو لوبډلو د لوبې تر پایه ۱ـ۱ ګول وواهه، خو د لوبې پایله بلاخره د پنالټي شوټونو په وهلو سره معلومه شوه چې د کرووېشیا ګول کيپر د جاپانیانو د ۳ شوټونو دفاع وکړه او خپله لوبډله یې کوارټر فاینل ته ورسوله. د ورځې په دویمه لوبه کې برازیل بیا په ډيرې اسانۍ سره سویلي کوریا ته ۴ـ۱ ماتې ورکړه. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости