قزاقستان له افغانستان سره د درملو مرسته کوي
په کابل کې د قزاقستان سفیر ګازیز اکباسوف د طالبانو له طبیعي پیښو سره د مبارزې او چمتوالي ملي ادارې سرپرست ملا نورالدین ترابي سره د لیدو پرمهال ژمنه وکړه چې هیواد به یې درې نیم ټنه دوا راتلونکې اونۍ له افغانستان سره مرسته وکړي.
ښاغلي اکباسوف دا ژمنه د سې شنبې په ورځ وروسته تر دې وکړه چې په شپږ ویشت لاریو کې بار د خپل هیواد د مرستو په اړه یې چې پرون د حیرتان بندر له لارې افغانستان ته ورسیدې، ملا ترابي ته معلومات ورکړل.
د قزاقستان په دې مرستو کې زر ټنه وړه، څه باندې دولس سوه ټنه وریجي، یوه اندازه غوړي او نور خوراکي مواد شامل دي.