د اوکرایین پر بندري اودیسا ښار د روسیې د بې پیلوټه الوتکو په بریدونو کې درې کسان ټپیان شوي دي.
د اوکرایین د بیړنیو خدمتونو ادارې نن چهارشنبې وویل، "دا بریدونه چې تیره شپه وشول، د استوګنې کورونو او ګودامونو ته يې زیان رسولی دی".
د اوکرایین د اودیسا ښار ډیرې سیمې چې د یونسکو له لورې د نړیوال میراث په فهرست کې شاملې دي، له دې وړاندې هم د مارچ په شلمه او د جنوري په ۳۱م د روسیې د بریدونو له کبله زیانمنې شوې وې.