Krasniqi: Është absurde të akuzohem për persekutim
Ish-zëdhënësi i Ushtrisë Çlirimtare të Kosovës (UÇK), Jakup Krasniqi, deklaroi se ndihet i lënduar nga akuzat e ngritura ndaj tij nga Zyra e Prokurorit të Specializuar (ZPS). Duke kundërshtuar akuzat, Krasniqi tha se është tejet absurde që ai të akuzohet për persekutim të pjesëtarëve të Lidhjes Demokratike të Kosovës (LDK), kur, siç tha ai, vetë ka qenë pjesë e kësaj organizate politike.