Новости за 01.09.2020

Шуруъ аз имрӯз, 1 сентябр, Қирғизистон ба шаҳрвандони Узбекистон иҷозаи вуруд медиҳад. Аммо шаҳрвандони Қирғизистон ҳанӯз имкони ба Узбекистон рафтанро надоранд. Гулмира Борубоева, сухангӯи Хадамоти марзбонии Қирғизистон иттилоъ дод, тасмими боз кардани марз барои шаҳрвандони Узбекистон ба он хотир гирифта шудааст, ки вазъи беҳдоштӣ дар он кишвар муътадил арзёбӣ мешавад. Борубоева гуфт, 1 сентябр дар марзи ду кишвар танҳо гузаргоҳи "Дустлик" боз мешавад. "Ҳатто он шаҳрвандони Узбекистон, ки дар ҳудуди Қазоқистон ё Тоҷикистон қарор доранд... Читать дальше...

Соли 2020 дар Узбекистон шартҳои қарзи манзил барои хонаводаҳои ҷавон тағйир ёфт. Агар пештар қарзи манзил ё ипотека барои навхонадорон давоми 3 сол имтиёз дошт, ҳамакнун ин муҳлатро 1 сол таъйин карданд. Дар робита ба ин девони вазирони Узбекистон рӯзи 27 август қарор "Дар бораи такмили минбаъдаи таъмини хонаводаҳои ҷавон бо манзил, ки дар ҳаёти иҷтимоии кишвар саҳм доранд"-ро қабул кард. Тибқи ҳуҷҷат, акнун қарз барои хариди манзил ба навхонадорон ба муҳлати 20 сол дода мешавад. Пештар ин муҳлат 15 солро ташкил медод. Читать дальше...

Вазири умури дохилии Белорус Юрий Караев дар суҳбат бо телевизиони русии RT гуфт, дар ҷараёни эътирозҳои кишвараш беш аз 130 маъмури пулис осеб дидааст. "Дар ҳоли ҳозир 131 нафар осеб дида, 28 танашон ба монанди пешин дар беморхона қарор доранд",–изҳор дошт ӯ. Дар Минск ва шаҳрҳои дигари Белорус эътирозҳо зидди тақаллубкорӣ дар интихоботи президентии 9 август, ки барандаи он Александр Лукашенко эълом шудааст, идома доранд. Мақомоти Белорус дар рӯзҳои аввали эътирозҳо тазоҳургаронро бо истифода... Читать дальше...

Натоиҷи бозиҳои даври понздаҳуми мусобиқаи қаҳрамонии футболи Тоҷикистон миёни дастаҳои занона, ки 30-юми август баргузор шуд, мавқеи дастаҳои пешсафро дар ҷадвал тағйир надод. Ба иттилои Лигаи занонаи футболи Тоҷикистон, бозии марказии даври понздаҳум миёни дастаҳои «Хатлон» -и Бохтар ва «Зебо»-и ноҳияи Дӯстӣ бо ҳисоби мусовии 0:0 анҷом ёфт. «Зебонисо»-и Душанбе дар меҳмонӣ “Регар-ТадАЗ”-и Турсунзодаро бо ҳисоби 6:0 шикаст дод. Дар ду бозии дигари даври гузашта “Равшан”-и Кӯлоб дар майдони... Читать дальше...

Дастаҳои  «Сипар»-и Хуҷанд ва «Соро компания»-и Душанбе, ки рӯзи 31-уми август дар даври ҳаштуми Лигаи касбии футзали Тоҷикистон пирӯз шуданд, ба нимфинали мусобиқаи қаҳрамонии кишвар роҳ пайдо карданд. Дар даври ҳаштум «Сипар» дар меҳмонӣ бар «Истаравшан»-и шаҳри Истаравшан бо ҳисоби бузурги 12:2 ғолиб омад. Дар ҳайати хуҷандиҳо Иқбол Воситзода, ки се гол зад, хет-трик кард. Бозигари мунтахаби Арманистон Давид Асланян ду гол ба самар расонд. Дар бозии дигар «Соро компания» бар «Муҳоҷир»-и Душанбе бо ҳисоби 9:2 пирӯз шуд. Читать дальше...

Абдуқаюми Қаюмзод, рӯзноманигор Бознашр аз блоги муаллиф Танҳо муҳити расонаӣ ва шабакаҳои иҷтимоӣ аст, ки бӯе аз интихоботи раёсати ҷумҳурии пеши рӯ дар Тоҷикистон медиҳад. Дар ин ҷо ҳам хабару гузоришҳои хеле андак аст: Ҳизби аграрӣ номзад пешбарӣ кард, Ҳизби сотсиалистӣ ҳам ин бор раисашро номзади интихоботии худ кардааст ва, ҳамин тавр, боз Ҳизби демократу ислоҳоти иқтисодӣ. Танҳо ҳизбе, ки муқобили маҷро қад алам кард, Ҳизби сотсиал-демократи Тоҷикистон аст, ки гуфт, ин маърака "ғайриқонунист" ва таҳрим кардааст. Читать дальше...