Новости за 06.11.2021

Дар ҳоле ки мақомоти Тоҷикистон рӯзи 4-уми ноябр дар нишасти Кумитаи ҳуқуқи башари Созмони Милали Муттаҳид аз вазъи озодии баёну эътиқод ва фаъолиятҳои сиёсӣ дар кишвар ситоиш карданд, бисёре аз давлатҳои ғарбӣ баръакси онро гуфтанд.

Мавҷуда Ҷабборова, сокини 47-солаи шаҳри Кӯлоб, дар мактаби рассомӣ кор мекунад. Ӯ забони гӯё надорад, вале бо ҳама, аз ҷумла шогирдон, "забон" меёбад.

Мавҷуда Ҷабборова яке аз муаллимаҳои шинохтаи наққошӣ дар Кӯлоб аст ва ӯро барои ҳунараш бисёриҳо бахусус волидон эҳтиром мекунанд. Худи Мавҷударо, ки лол аст, ба ин роҳ падараш овардааст ва инсоне сохтааст, ки муҳтоҷи касе нест.

Порлумони Португалия тарҳи қонун дар бораи "эвтаназия"-ро, ки дар Тоҷикистон баъзан "марги осон" ё "марги ихтиёрӣ" ном мебаранд, дубора қабул кард.

Созмони Афви Байнулмилал ё Amnesty International аз Эрон хостааст, ду зодаи ин кишварро, ки ҳамзамон тобеият ё шаҳрвандии Олмону Бритониёро доранд, аз боздошт раҳо кунад.

Ҳукумати “Толибон” дар идомаи кӯшишҳояш барои ба расмият шинохта шудан аз сӯйи кишварҳои ҷаҳон, гуфтааст, дар ҷустуҷӯи робитаи нек бо ҳамаи ҳамсояҳо, бахусус Тоҷикистон, аст.

Шавкат Мирзиёев бо Қуръону Қонуни асосии Узбекистон қасам хӯрд ва ба даври дувуми раёсаташ дар ин кишвари Осиёи Марказӣ (35 миллион аҳолӣ дорад) оғоз кард. Маросим рӯзи 6-уми ноябр дар шаҳри Тошканд гузашт.

Президенти Украина ба қонуне имзо гузошт, ки ҳадафи он пешгирӣ аз нуфуз ё таъсири сиёсии олигархҳои ин кишвар аст.

Вакилони порлумон бо ворид кардани тағйирот ба Кодекси ҳуқуқвайронкунии маъмурӣ миқдори ҷаримаро барои пиёдагардон то 120 сомонӣ боло бурданд.

Дар Тоҷикистон ҷазоро барои вайрон кардани қоидаҳои ҳаракат дар роҳ, ки ба иддаои мақомот яке аз сабабҳои садамаи нақлиётист, сахттар карданд. Дар гузашта барои чунин амал аз 7 то 60 сомонӣ ҷарима мебастанд, ҳоло 120 сомонӣ.

Хадамоти марзбонии Қирғизистон рӯзи 6-уми ноябр дар эъломияе гуфт, ки гуё низомиёни тоҷик ба як сарҳадбони қирғиз ҳамла карда, ба мошини ӯ санг андохтаанд ва кӯшиш кардаанд, як марзбони дигарро боздошт кунанд.

Бар асари задухӯрд миёни пулиси зидди шӯриш ва ситазеҷӯёни тарафдори Эрон дар шаҳри Бағдод, маркази Ироқ, як нафар кушта ва даҳҳо кас захмӣ шуданд. Ҳодиса рӯзи 5-уми ноябр рӯй дод.

Маҷаллаи Der Spiegel навишт, гумон меравад, ин дипломат маъмури махфӣ ё пинҳонии Хадамоти федеролии амнияти Русия ё ФСБ бошад.

Намояндагони Созмони Милали Муттаҳид ва кишварҳои аврупоӣ дар як нишаст бори дигар Тоҷикистонро барои таъқиби мухолифони сиёсӣ, хабарнигорони мустақил ва ҳуқуқшиносон тақнид карданд.

Қонуни асосӣ (Конститутсия)-и Тоҷикистон, ки аксарият онро санади хубу муҳим мешуморанд, вале мухолифин баъзан аз иҷро нашудани бандҳои он нигаронанд, 27 сол пеш қабул шудааст.