Новости за 16.11.2021

Иёлоти Муттаҳида санҷиши силоҳҳои кайҳонии Русияро танқид кард. Мақомоти Департаменти давлатии Амрико гуфтанд, ин озмоиш ҳаёт ва кори фазонавардони истгоҳи байнулмилалии кайҳониро бо хатар рӯбарӯ намуд.

Муҳоҷироне, ки дар марзи Беларус банд мондаанд, рӯзи 16-уми ноябр бо нерӯҳои Лаҳистон ё Полша даргир шуданд.

Модари Ҷунайдулло Худоёров, фаъоли шабакаҳои иҷтимоиро дар ноҳияи Рашт, шарқи Тоҷикистон, ба "авбошӣ" муттаҳам кардаанд. Мақомот гуфтанд, Мавҷигул Ғарибоваи 65-сола ба захмӣ кардани як сокини деҳаи Яшм гумонбар аст. Худи ӯ иттиҳомро беасос ва туҳмати берун аз доираи тасаввур номид.

Дастаи мунтахаби футболи Тоҷикистон дар бозии дӯстона аз тими миллии Қазоқистон бо ҳисоби 0:1 шикаст хӯрд. Ин бозӣ шаби 16-уми ноябр дар варзишгоҳи "Остона-Арена"-и шаҳри Нурсултон баргузор шуд.

"Салими Африқоӣ" аз Хуҷанд ба ватанаш бармегардад. Гузориши Фарзон Муҳаммадӣ.

Марҳабо бидуни шуғли доимӣ монд, вале умед ба ояндаи некро аз даст надодааст. Гузориши Маҳмудҷон Раҳматзода.

Бино ба иттилои дарёфтӣ, ба сардори Раёсати кофтукоби ҷиноӣ дар вилояти Бадахшон ҳамла шудааст. Манобеъ гуфтанд, ҳодиса рӯзи 14-уми ноябр дар шаҳри Хоруғ рӯй дода, пойи Маҳмадбоқир Маҳмадбоқиров, яке аз лидерони ғайрирасмии вилоят, дар миён аст.

Диловар Ҷӯраев, як шаҳрванди Тоҷикистон, ки бо дархости мақомоти интизомии Қирғизистон дар Русия дастгир шуда буд, рӯзи 16-уми ноябр аз боздошт раҳо шуд. Вале Ҷӯраев дар суҳбат бо Радиои Озодӣ гуфт, ки додситонии Русия ӯро "бо шарти берун нарафтан аз ҷойи зист" озод намудааст.

Додгоҳи олии Тоҷикистон 9 сол ҳабси Иззат Амонро бетағйир гузошт, Амрико озмоиши "бемасуъият"-и силоҳи кайҳонӣ аз тарафи Русияро танқид кард, "Салими Африқоӣ" ба ватанаш бармегардад, назари сокинони Душанбе дар бораи кору маошашон ва матолиби дигар.

Узбекистон ва Иттиҳоди Аврупо (ИА) мехоҳанд, дар шаҳри Тирмизи он кишвар маркази кумакҳои башардӯстона ба Афғонистонро таъсис диҳанд.

Бино ба иттилои дарёфтӣ, ба сардори Раёсати кофтукоби ҷиноӣ дар вилояти Бадахшон ҳамла шудааст. Манобеъ гуфтанд, ҳодиса рӯзи 14-уми ноябр дар шаҳри Хоруғ рӯй дода, пойи Маҳмадбоқир Маҳмадбоқиров, яке аз лидерони ғайрирасмии вилоят, дар миён аст.

Додгоҳе дар Екатеринбурги Русия се корманди собиқи пулисро, ки ба таҷовузи як боздоштшуда дар дохили мошини хидматӣ гумонбар мешуданд, бегуноҳ эълом кард.

Ҷонибдорони ҳамкори Радиои Аврупои Озод/Радиои Озодӣ Владислав Есипенко, ки дар нимҷазираи ишғолии Қрим дастгир шудааст, дар назди консулгарии Русия дар шаҳри Ню-Йорк ҳамоиши эътирозӣ баргузор карданд.

Рустам Иноятов аз мансаби мушовири давлатии президенти Узбекистон оид ба ҳамоҳангсозии фаъолияти ниҳодҳои қудратӣ барканор шудааст.

Додситонии кулли Тоҷикистон эълон кард, як шаҳрванди кишвар, ки бо дархости мақомоти интизомии Қирғизистон дар Русия дастгир шуда буд, аз боздошт раҳо шудааст.

Камолиддин Боймирзоев, варзишгар аз Тоҷикистон, дар Ҷоми ҷаҳон оид ба муҳорибаи тан ба тан, ки рӯзҳои 11-13-уми ноябр дар шаҳри Маскави Русия, дар Қасри гимнастикаи Ирина Винер-Усмонова, доир гардид, дар вазни сабук ғолиб шуд. Ба иттилои Федератсияи байналмилалии муҳорибаи тан ба тан, дар Ҷоми ҷаҳон беш аз 300 варзишгар аз 30 кишвар ширкат дошт. Ба барномаи мусобиқа ду намуд - «муҳориба» ва «худмудофиа» - дохил буд. Дар рӯзи охирини мусобиқа рақобатҳои ниҳоӣ баргузор шуд. Дар сабқати мардон ба ҷуз аз Камолиддин Боймирзоев аз Тоҷикистон... Читать дальше...

Бар пояи гузоришҳои расида, садри аъзами Олмон, Ангела Меркел, рӯзи 15-уми ноябр бо ҳокими худкомаи Беларус Александр Лукашенко музокироти буҳронӣ доир намуд.

Додгоҳи олии Тоҷикистон ҳукми Иззат Амон, ҳомии маҳкумшудаи муҳоҷирони тоҷикро бетағйир гузошт. Додгоҳи шаҳри Душанбе моҳи октябр ӯро бо гуноҳи қаллобӣ ба 9 сол зиндон маҳкум кард, вале Иззат Амон ва наздиконаш бозбинии ҳукмро талаб доштанд.

Панҷ сол пеш дар Тоҷикистон санаи наве бо номи "Рӯзи президент" пайдо шуд, ки ҳар сол 16-уми ноябр қайд карда мешавад. Ҳарчанд он умумист, вале танҳо ба президенти амалкунандаи Тоҷикистон, Эмомалӣ Раҳмон, пайванд дода мешавад.

Панҷ сол пеш вакилони порлумон ба рӯзҳои иди кишвар қонунеро ворид карданд, ки тибқи он 16 ноябр дар Тоҷикистон “Рӯзи президент” аст. Ин кортанқидҳои зиёдеро ба миён овард.

Дар ҳоле ки мардум дар минтақаҳои гуногуни Тоҷикистон аз камбуди барқ шикоят доранд, ширкати "Барқи Тоҷик" иддао дорад, чунин ҳолат бинобар гузарондани "таъмир ва назорат" дар нерӯгоҳҳои барқи обӣ ва зеристгоҳҳо пеш омадааст.

Ҷо Байден, президенти Амрико рузи душанбеи 15-уми ноябр дар мулоқот бо Си Ҷинпин, раҳбари Чин гуфт, ки умедвор аст, ки гуфтугӯҳои ошкору бепарда дар бораи ҳуқуқи башар ва масъалаҳои амниятӣ дошта бошанд. Ҷо Байден дар ин дидор, ки аз тариқи видеоконфронс сурат гирифт, изҳор дошт, "шояд беҳтар бошад расмитар сухан бигӯям, агарчӣ ман ва шумо ҳеҷ вақт бо якдигар он қадар расмӣ бархӯрд накардаем". Оқои Си Ҷинпин низ Ҷо Байденро "дусти қадимӣ"-и худ хонд ва гуфт, ки аз дидори ӯ хурсанд аст ва ду тараф бояд ба ҳадафи ҳаллу фасли чолишҳое... Читать дальше...

Бозии дӯстонаро миёни дастаҳои мунтахаби миллии футболи Тоҷикистон ва  Қазоқистон ҳакамон аз Беларус доварӣ мекунанд, хабар медиҳад сомонаи  Федератсияи футболи Тоҷикистон. Ба иттилои манбаъ, Амин Кургхели, довари 30-солаи ФИФА, сардовари ин бозӣ таъйин шудааст. Ба ӯ ҳамватанҳояш – ёварони довари ФИФА Юрий Хомчанкаи 33-сола ва Сергей Гидревичи 41-сола кӯмак мекунанд. Вазифаи довари эҳтиётӣ ба дӯши довари 43-солаи ФИФА Артём Кучин аз Қазоқистон мебошад. Мубин Эргашев, муваққатан иҷрокунандаи вазифаи сармураббии мунтахаби миллии Тоҷикистон... Читать дальше...

Қурби рубли русӣ баъди ду ҳафтаи болоравӣ, дубора паст шуд. Ҳоло бонкҳои Тоҷикистон 1000 рубли русиро ба 155 сомону 50 дирам иваз мекунанд. Дар охири моҳи октябр 1000 рубли русӣ ба 160 сомонӣ мубодила мешуд. Мавзӯи пасту баланд шудани қурби рубл барои бештари оилаҳо дар Тоҷикистон муҳим аст. Наздиконаш аз Русия рубл мефиристанд ва бонкҳои Тоҷикистон ба онҳо сомонӣ медиҳанд.  Наздикони муҳоҷирон аз боло рафтани қурби рубл хушҳолӣ доштанд, вале зоҳиран ин хурсандӣ дер давом накард. Қурби рубли русӣ дар ҳоле поин омад... Читать дальше...

Размоишҳои Узбекистону Қазоқистон дар ҳарбмайдони "Термиз" аз 17 то 24 ноябр идома мекунанд. Дар ин бора аз вазорати мудофиаи Қазоқистон иттилоъ доданд. Ҳадафи ин размоишҳо - ҳамоҳангсозии рафторҳои неруҳои ду кишвар ҳангоми анҷоми амалиёти муштарак унвон шудааст. Аз ҷониби Қазоқистон дар ин размоишҳо бештар аз 100 низомӣ, чанд ҳавопаймои ҷангӣ ва ҳавопаймоҳои нақлиётбар, иштирок мекунад. Пештар аз ин размоишҳои муштараки Қазоқистон бо Узбекистон дар ҳарбмайдони "Матибулак"-и вилояти Ҷамбули Қазоқистон баргузор шуда буданд.