Новости за 05.04.2023

Ба зидди вакили зиндонӣ, Бузургмеҳр Ёров, парвандаи нав кушода, ӯро аз маҳбас ба Боздоштгоҳи муваққатии Душанбе кӯчондаанд.

Хадамоти федеролии назорат дар бахши алоқа, технологияҳои иттилотӣ ва иртибототи Русия ё "Роскомнадзор" ва Маъмурияти киберии Чин дар самти назорати Интернет аз соли 2017 табодули таҷриба мекунанд.

"Дар кӯча мондем. Се фарзанди маъюб дорам," – мегӯяд Ҳамида Имомова, ки нуҳ сол пеш ба умеди соҳиби хона шудан дар Душанбе ба ширкати "Союз Сохтмон" $50 000 дод, аммо на хона гирифт, на пул. Мудири ширкатро ба зиндон андохтанд. Сарнавишти бино номаълум монд. Тақдири Ҳамида Имомова ва ҳамроҳонаш низ.

"Дар кӯча мондем. Се фарзанди маъюб дорам," – мегӯяд Ҳамида Имомова, ки нуҳ сол пеш ба умеди соҳиби хона шудан дар Душанбе ба ширкати "Союз Сохтмон" $50 000 дод, аммо на хона гирифт, на пул. Мудири ширкатро ба зиндон андохтанд. Сарнавишти бино номаълум монд. Тақдири Ҳамида Имомова ва ҳамроҳонаш низ.

Эван Гершкович, рӯзноманигори "The Wall Street Journal", ки дар Русия ба гумони ҷосусӣ боздошт шудааст, 4-уми апрел бори аввал бо вакили мудофеи худ мулоқот кард.

Доналд Трамп, президенти собиқи Амрико шоми чоруми апрел дар додгоҳ иттиҳоми эълоншуда алайҳашро рад кард ва гуфт бегуноҳ аст. Трамп парвандаашро сиёсӣ хонд ва гуфт ин кори рақибонаш ҳаст, ки мехоҳанд, монеи ширкати ӯ дар интихоботи президентии соли 2024 шаванд.

Илҳом Алиев, президенти Озарбойҷон бо Эмомалӣ Раҳмон, президенти Тоҷикистон дар Душанбе мулоқот карданд. Раҳбари Озарбойҷон бо сафари давлатӣ ба Тоҷикистон рафтааст. Мулоқот бо президенти Тоҷикистон, имзои чанд санад ва баргузории нишасти сармоягузорон аз барномаҳои сафари Алиев ба Душанбе буд.

Телевизионҳои давлатии "Шабакаи 5" ва "Пирамида"-и Қирғизистон муфлис шудаанд ва барҳам дода мешаванд.

Тоҷикистону Озарбойҷон чӣ кору тиҷорат мекунанд? Доналд Трамп мегӯяд, ҳеч гуноҳе накардааст; “50 ҳазор доллар додем, хона надорем”; Кори ҳунармандони тоҷики Бухоро ривоҷ ёфтааст.

Бунёди "Сорос-Қазоқистон" баъд аз 30 сол самти фаъолияти худро иваз ва сармоягузории лоиҳаҳои маданиро бас кардааст. Бунёд ба унвони "CAPS Unlock" (Central Asian Policy Studies) дар Қазоқистон аз нав сабтином шудааст.

Нерӯҳои низомии Беларус аз Русия маҷмаи "Искандар-М" гирифтаанд, ки имкони истифодаи мушакҳои ҳастаиро доранд.

Дар шаҳри Ваҳдат, канори Душанбе, марказеро барои занони паноҳҷӯй аз Афғонистон боз кардаанд, то барои рафъи мушкили ин табақаи ранҷу озордида кумак намоянд. Дар маркази "Ориёно" ба ғайр аз давраҳои омӯзишии компютеру мусиқӣ ба занону духтарон роҳҳои рафъи мушкилоти равониро меомӯзанд.

Дар шаҳри Ваҳдат, дар канори Душанбе, марказеро барои занони паноҳҷӯи афғон боз кардаанд, то барои рафъи мушкилоти рӯҳиву равонии ин табақаи ранҷу озордида кумак намоянд. Дар маркази "Ориёно" ба ғайр аз давраҳои омӯзишии компютеру мусиқӣ ба занон роҳҳои рафъи мушкилоти равониро меомӯзанд.

Толибон дар Афғонистон мегӯянд, ки шаби 3-юми апрел дар як амалиёте дар вилояти Балх 6 узви ҳалқаи “Хуросон”-и гуруҳи “Давлати исломӣ”-ро куштанд.

Бориши зиёди борон ва омадани сел ба зиёда аз сад манзили сокинони ноҳияи Панҷ зарар расондааст.

Низомиёни Русия ва Тоҷикистон дар Ҳарбмайдони Хатлон, 20 километр дуртар аз сарҳади Афғонистон, тамрини низомиро оғоз кардаанд.

Доналд Трамп, раисиҷумҳури пешини Амрико, чанд соат пас аз эълони иттиҳом ба ӯ дар додгоҳи Ню-Йорк, ҳамаи онҳоро рад кард ва худро қурбонии мудохила дар интихоботи президентӣ номид.

Маҷаллаи амрикоии Forbes рӯйхати солонаи шахсони сарватмандтарини дунёро нашр кард. Дар ин рӯйхат шаш қазоқистонӣ шомил шудааст.

Президенти Қирғизистон Содир Ҷабборов (Жапаров) дар мусоҳиба бо расонаҳои кишвараш интихоботи вакили порлумонро аз як ҳавзаи шаҳри Бишкек шарҳ дод.

Замир Кобулов, намояндаи вижаи Русия дар умури Афғонистон, рӯзи 3-юми апрел ба хабаргузории ТАСС гуфтааст, консулгарии худро дар шаҳри Мазори Шарифи вилояти Балх бозкушоӣ карданд. Вазорати корҳои хориҷии Толибон низ тасдиқ кард, ки Русия хадамоти консулиро дар Мазори Шариф оғоз намуд.

Гуштигирони тоҷик дар Ҷоми Осиё миёни наврасон ва ҷавонон (Cadets & Juniors Asian Judo Cup Almaty 2023), ки рӯзҳои 7-9-уми апрел дар шаҳри Алмато доир мегардад, ширкат меварзанд.

Дар шаҳри Тошканд фестивали мусиқиеро бекор карданд, ки дар он бештар аз 30 овозхони "Путингаро"-и Русия мебоист, ҳунарнамоӣ кунанд. Пештар аз ин дар Озарбойҷон ва Қазоқистон низ баргузории ин фестивалро бекор карда буданд.

Дар Тоҷикистон мунтазири президенти Озарбойҷон Илҳом Алиев ҳастанд. Ӯ 5-уми апрел бо сафари якрӯзаи давлатӣ ба Душанбе меояд.