Новости за 07.04.2023

То оғози эълони сафарбарӣ ба артиш дар Русия, даромади хонаводаҳои муҳоҷирон дар Тоҷикистон бештар шудааст.

Халабони як ширкати ҳавоии Африқои Ҷанубӣ барои амну ором нишондани ҳавопаймое, ки дар дохилаш мори заҳрдори кобра буд, аз ҷониби мақомоти ин кишвар “барои шуҷоати бемисл” қадрдонӣ шуд. Дар ин бора Франс Пресс хабар дод.   Рӯзи душанбе, 3-юми апрел Рудолф Эрасмус ҳавопаймои хурди хусусиро бо мусофирон аз шаҳри Блумфонтейн ба самти Претория идора мекард, ки ногаҳон маълум шуд, як мори кобраи хатарноке дар пушташ ҳаракат мекунад. Бо вуҷуди ин, Эрасмус тавонист ба тарсу ҳаяҷон ғолиб омада, дар байни роҳ ... Читать дальше...

Музокираи ҳафтрӯзаи ҳайати Тоҷикистон бо ҷониби Қирғизистон дар масъалаи таъину аломатгузории марзи ду кишвар дар Бишкек ба поён расидааст.  Ҳайати Тоҷикистон рӯзи 1-уми апрел барои музокира бо ҳамтоёни қирғизи худ ба Бишкек рафта буданд.   Ҳукумати Қирғизистон ва Вазорати корҳои хориҷии Тоҷикистон рӯзи 7-уми апрел дар як хабарномаи монанд ба ҳам гуфтаанд, ки гурӯҳҳои корӣ ҷалассаҳои худро барои таъину аломатгузории марзи давлатӣ идома хоҳанд дод.  Гурӯҳҳои ҳукуматии маконнигории Тоҷикистону Қирғизистон аз ин пеш... Читать дальше...

Мақомоти вилояти Хатлон хабар доданд, ки дар як ҳафтаи аввали даъвати баҳорӣ ба сафи артиш, ноҳияи Вахш нақшаро пурра иҷро кардааст. Вахш, аз ҷумлаи ноҳияҳое дар Тоҷикистон буд, ки имсол бо шеваи нав, аз ҷумла қуръакашӣ дар миёни волидон ҷавононро ба артиш ҷалб кард. Дар хабарномаи расмие рӯзи 7-уми апрел ҳукумати Хатлон иттилоъ додааст, ки дар ин вилоят беш аз 34 дар сад нақшаи даъват ба анҷом расид. Ноҳияҳои Фархор ва Данғара низ аз каматрин ноҳияҳо дар ин вилоят будаанд, ки теъдоди муайяншудаи ҷавононро ба артиш фиристодаанд. Читать дальше...

Боғи ба номи Мир Саид Алии Ҳамадониро дар шаҳри Кӯлоб соли 2019 ба истифода доданд. Дар он намунае аз бурҷи 30-метрии "Эйфел" ва гунаи хурди хиёбони аврупоӣ буд. Ҳоло аксар маконҳои тафреҳии боғ таъмирталаб шудаанд. Дар гузориши видеоӣ бинед.

Даҳҳо нафар имрӯз дар назди беморхонаи Истиқлоли шаҳри Душанбе ҷамъ шуданд, то аз ташхиси пизишкон гузаранд. Далели якбора ба беморхона рехтани сокинон эълони ташхиси ройгон буд.

Дар Қирғизистон мехоҳанд, ҳукми эъдомро барои афроди кӯдакозор (педофилҳо) эҳё кунанд. Назару мавқеъҳо яксон нест. Дар видео бинед.

Музокироти ҳайатҳои Қирғизистону Тоҷикистон дар Бишкек, ташхиси тиббии ройгон дар Рӯзи ҷаҳонии беҳдошт, пешниҳоди муҷозоти шадиди афроди кӯдакозор ва боғи таъмирталаби Кӯлоб.

Шабакаи иҷтимоии русии "ВКонтакте" нашри таблиғот ё эъломҳои хидматрасонии сафар ба хориҷ, аз ҷумла дарёфти иҷозатномаи иқомат ва таҳсил дар кишвари хориҷиро манъ кард.

Эътирози гуруҳе аз сокинони шаҳри Жанаозени Қазоқистон, ки барои худ ва аъзои хонаводаашон ҷойи кори доимӣ талаб доранд, ҳанӯз ҳам идома дорад.

Гузоришгари вижаи СММ дар умури Озодиҳои мазҳабӣ ва эътиқод, барои арзёбии вазъи риояи ҳуқуқи гурӯҳҳои ақаллиятҳои диниву мазҳабӣ, баробарии зану мард ва ҳуқуқи кӯдакон ба Тоҷикистон сафар мекунад.

Додгоҳи олии Қирғизистон, ба қазияи пурсарусадои таҷовузи як ноболиғ аз сӯйи милисаҳо нуқта гузошт. Ду корманди собиқи Вазорати корҳои дохила, ки бо таҳдид, як духтари 13 соларо таҷовуз кардаанд, ба 7,5 ва 9 соли зиндон маҳкум шуданд. Посбони бозор 10 сол ҳукм гирифт.

Даври дуюми мусобиқоти қаҳрамонии футболи Тоҷикистон-2023 байни дастаҳои лигаи олӣ бо ду бозӣ рӯзи панҷшанбеи 6-уми апрел оғоз ёфт.

Дастаи мунтахаби миллии футболи Тоҷикистон дар радабандӣ ё  рейтинги нави   FIFA (Федератсияи байнулмилалии футбол), ки дар сомонаи расмии ин созмон нашр шудааст, як зина поин рафт ва дар байни 211 кишвар бо 1182 имтиёз дар ҷойи 109-ум қарор дорад.

Мақомоти тоҷик ва рус дар Екатеринбург ба мувофиқа расидаанд, ки то 11-уми апрел беш аз 60 муҳоҷири ихроҷшударо бо ҳавопаймо ба ватан баргардонанд. Дар чанд рӯзи ахир тақрибан 25 муҳоҷир ба Тоҷикистон фиристода шудаанд. Муҳоҷирони тоҷик беш аз як моҳ аст дар Маркази нигаҳдории муваққатии хориҷиёни шаҳри Екатеринбург нигаҳдорӣ мешаванд. Дар байни онҳо занон ҳам ҳастанд. Консулгарии Тоҷикистон дар Екатеринбург ҳамроҳ бо чанд соҳибкори тоҷик шоми 4-уми апрел ба муҳоҷирон ифтор додаанд ва бо онҳо суҳбат кардаанд. Читать дальше...

Хуршед Фозилов, рӯзноманигори тоҷик ба узвият дар созмонҳои мамнуъ гумонбар шудааст. Вале Фозилов дар бозпурсиҳо иттиҳомро рад карда гуфтааст, танҳо дар доираи қонун фаъолияти рӯзноманигорӣ дошт.

Додгоҳи олии Қирғизистон, ба қазияи пурсарусадои таҷовузи як ноболиғ аз суйи милисахо нуқта гузошт. Ду милисаи собиқ, ки як духтари 13-соларо таҷовуз кардаанд, то ба 9 соли зиндон маҳкум шуданд. Ин ҳукм ҷомеа ва волидони ноболиғро, ки интизори эълони ҷазои сахт ба милисаҳо буданд, ҳайратзада кард.

Қисмати шимолии Исроил рӯзи панҷшанбеи 6 апрел аз сӯи Лубнон мушакборон шуд. Мушакборон баъди он сурат гирифт, ки миёни пулиси Исроил ва фаластиниҳо дар масҷиди "Ал-Ақсо" занозанӣ шуд. Расонаҳои исроилӣ навиштанд, ки аз ҳудуди Лубнон тақрибан 30 мушак партоб шуда ва низоми зиддимушакии Исроил нисфе аз онҳоро суқут додааст. Расонаҳо ҳамчунин аз мушакандозии ҷавобии Исроил хабар медиҳанд. Масъулияти партоби мушакҳоро ҳеч созмоне ба уҳда нагирифтааст. Амалиёти пулиси Исроил дар масҷиди Ал-Ақсо дар Байтулмуқаддас фаластиниёнро ба хашм овард. Читать дальше...