Новости за 17.04.2023

"Хоб будем. Соҳиби хона дари моро зад, ки бино месӯзад, ба берун бароед. Ҳоло маҷбур ҳастем, ба хонаи ягон шинос равем."

Содир Ҷабборов (Жапаров), раиси ҷумҳури Қирғизистон, бо оҷонси давлатии кишвараш, "Кабар", дар бораи ҳалли мушкили сарҳад бо Тоҷикистон суҳбат кард.

Сардори шуъбаи умури дифои яке аз ноҳияҳои шаҳри Тошканди Узбекистон ҳангоми гирифтани пора ба маблағи 600 доллар бар ивази билети ҳарбии сохта дастгир шудааст.

Хабарнигори бахши дарии "Садои Амрико" дар Тоҷикистон шикоят кард, ки ходимони ҳифзи ҳуқуқ ба наворгирии ӯ дар масҷиди марказии Душанбе монеъ шуданд. Ҳодиса рӯзи 14-уми апрел рӯй додааст. Нурангез Рустамзода рӯзи 17-уми апрел нақл кард, ки барои ба навор гирифтани масҷид иҷозаи Кумитаи динро доштанд, аммо маъмурони милиса натанҳо напазируфтанд, балки таҳдид карданд. Ҳоло барои расидагӣ ба қазия ба Дастгоҳи иҷроияи президент ва Вазорати корҳои хориҷиву Вазорати корҳои дохилӣ нома фиристодааст. Мақомоти Тоҷикистон ҳодисаро шарҳ надоданд. Читать дальше...

Владимир Кара-Мурза, рӯзноманигор, сиёсатмадор ва яке аз мунтақидони сарсахти ҳукумати Русияро ба иттиҳоми "хиёнат ба давлат" ва ҷиноятҳои дигар, ки худаш рад мекунад, 25 сол зиндонӣ карданд. Ӯ 45-сола аст.

Мақомоти Бадахшон зидди Сино Вазирбеков парвандаи ҷиноӣ кушода, ӯро барои ширкаташ дар як гирдиҳамоии мухолифон дар Берлин ба ифротгароӣ айбдор мекунанд. Сино Вазирбеков бародари фаъоли маданӣ Рамзӣ Вазирбеков аст, ки ба 13 сол зиндон маҳкум шудааст.

Дар натиҷаи таркиши балони газ дар яке аз баландошёнаҳои шаҳри Жанаозени Қазоқистон чаҳор кас ба ҳалокат расид.

Теъдоди шаҳрвандони Русия, ки аз таҳрим ва сафарбаркунӣ ба артиш ба Иморати Муттаҳидаи Арабӣ мекӯчанд, ҳарчӣ бештар мешавад. Онҳо дороӣ ва тиҷорати худро ба ин кишвар мебаранд ва зиндагии худро дар ин ҷо месозанд. Дар Дубай аллакай намояндагии мактабҳои русӣ фаъол шудаанд

Теъдоди шаҳрвандони Русия, ки аз таҳрим ва сафарбаркунӣ ба артиш ба Иморати Муттаҳидаи Арабӣ мекӯчанд, ҳарчӣ бештар мешавад. Онҳо дороӣ ва тиҷорати худро ба ин кишвар мебаранд ва зиндагии худро дар ин ҷо месозанд. Дар Дубай аллакай намояндагии мактабҳои русӣ фаъол шудаанд.

Додгоҳи шаҳри Маскав рӯзи 17-уми апрел сиёсатмадори мухолиф Владимир Кара-Мурзаро, ки ба хиёнат ба давлат, паҳн кардани иттилои нодуруст дар бораи артиши Русия ва ҳамкорӣ бо "созмони номақбул" муттаҳам буд, 25 сол аз озодӣ маҳрум кард.

Додгоҳи шаҳри Бишкек рӯзи 14 апрел дархости вакили мудофеъ Бактибек Жумашевро дар бораи бекор кардани қарори додгоҳи ноҳияи Якуми май рад кард. Додгоҳи ноҳияи Якуми май ташкили гирдиҳамоиҳоро дар баъзе аз минтақаҳои Бишкек, пойтахти Қирғизистон, манъ кардааст.

Сомонаи Оҷонси зиддифасоди Узбекистон рӯйхати туҳфаҳои гирифтаи роҳбари ин оҷонс Акмал Бурҳоновро нашр кард. Арзиши умумии ҳашт "сувенир" ва расм 14,57 миллион сӯм баҳо дода шудааст.

Дар моҳи Рамазон дар Сурия расм аст, ки мардум дар тарабхонаҳо ифтор кунанд ва шоми худро хуш бигзаронанд. Бахше аз ифтор дар баъзе аз ресторанҳо само ё рақси пайравони аҳли тасаввуф аст, ки онро василае барои расидан ба Ҳақ мешумориданд.

Сӯхтор дар як бинои баландошёна дар маркази шаҳри Ваҳдат, канори Душанбе, манзили чанд сокини биноро вайрон кард. Ҳодиса шаби 15 ба 16-уми апрел рӯй дод. Бар асоси навори корбарон, сӯхтор гуё дар пайи таркиши зарфи гази моеъ сар задааст. Худи сокинон аз эҳтимоли ба ҳам расидани сими барқ мегӯянд.

Рӯзноманигори мустақили қазоқистонӣ Думан Муҳаммадкарим, ки баъд аз интихоботи порлумонӣ 25 рӯз ба ҳабси маъмурӣ гирифта шуда буд, ба озодӣ баромад.

Дафтари матбуоти раёсати ҷумҳури Ироқ иттилоъ дод, ки президенти ин кишвар Абдулатиф Ҷамол Рашид барои сафар ба Душанбе даъватнома гирифт. Даъватномаро аз номи Эмомалӣ Раҳмон рӯзи якшанбе Зубайдулло Зубайдов, сафири Тоҷикистон дар Ироқ, супурд.

Дар Сурия дар моҳи Рамазон расм аст, ки мардум дар тарабхонаҳо ифтор кунанд ва шоми худро хуш бигзаронанд. Бахше аз ифтор дар баъзе ресторанҳо самоъ, ё рақси пайравони аҳли тасаввуф аст, ки онро василае барои расидан ба Ҳақ мешумориданд. Яке аз онҳое, ки рақсро иҷро мекунад, Анаси чаҳорсола аст.