Новости за 12.07.2023

Додгоҳи шаҳри Ваҳдат Бузургмеҳр Ёров, адвокати зиндониро бо ҷурми “қаллобӣ дар ҳаҷми махсусан калон” ба даҳ соли дигари зиндон маҳкум кардааст. Мурофиа рӯзи 10-уми июл таҳти раёсати додраси Додгоҳи шаҳри Ваҳдат дар Боздоштгоҳи рақами 1-и пойтахт баргузор шудааст.

Савринисо Сафароваи 23-соларо тақрибан як моҳ пеш дафн карданд, аммо баҳси чӣ гуна ба марг расидани ӯ ҳанӯз идома дорад. Модараш мегӯяд, ӯро пайвандон ва ҳамсари аввали шавҳараш зада то ба марг расондаанд. Муфаттишон мегӯянд, Савринисо худкушӣ кардааст.

Кайрат Сунтаев, муовини вазири корҳои дохилии Қазоқистон гуфт, ки Бейбит Шуменов - муштзани қазоқистонӣ дар латту кӯби марде гумонбар аст. "Бо моддаи авбошӣ парванда боз шудааст. Вай хеле вақт аст, ки муштзанӣ намекунад. Санҷиши хидматӣ идома дорад, вай ҷазо хоҳад гирифт", - гуфт Кайрат Сунтаев. Навори ҳамлаи Шуменов ба марди ношиносе дар шабакаҳои иҷтимоӣ паҳн шуд. Ин ҳодиса дар шаҳри Остонаи Қазоқистон рух додааст.

Шавкат Мирзиёев, президенти Узбекистон 12 ҳокими шаҳру ноҳия ва панҷ мансабдори дигари он кишварро аз мақом барканор кард.

Дар пайи тасодуфҳои мудҳиш дар роҳҳои кишвар, ки чандин нафарро қурбон кард, се мақомдори Бозрасии давлатии автомобилӣ ё ГАИ барканор шудаанд. Суҳроб Қурбонзода, сардори БДА аз мансаб ронда шуд. Эмомалӣ Раҳмон, раиси ҷумҳури Тоҷикистон, рӯзи 12-уми июл ба ҷойи ӯ Рустам Мирзомуродзодаро таъин кард.

Ихроҷи қариб 7 ҳазор муҳоҷири корӣ аз Русия; Ҷасади Савринисоро гӯронданд, вале баҳсаш монд; Ҳабси хешованди як намояндаи мухолифон; Хушҳолӣ ва ҳам шикоят аз ҳосили зиёди зардолу.

Ҳодӣ Мусавӣ, мудири собиқи раёсати таҳқиқи некӯаҳволии мардум дар вазорат дар ин бора баъди он суҳбат кард, ки омори нав нишон додааст, 57 дар сади мардуми Эрон ба қадри кофӣ ғизо намехӯранд ва 2100 калорияи заруриро намегиранд.

Додгоҳи шаҳри Бишкек созиши оштӣ миёни "Азаттик Медиа" - бахши қирғизии Радиои Озодӣ  бо Вазорати фарҳанг, иттилоот, варзиш ва сиёсати ҷавонони Қирғизстонро тасвиб кард. Бар асоси қарор, ҳамаи баҳсҳои додгоҳӣ қатъ шуда, сомонаҳои басташудаи бахши қирғизии Радиои Озодӣ дастрас мегарданд.

Додситонии ноҳияи Дустӣ (собиқ Ҷиликул) нисбати як мард дар робита ба марги зани 23 сола, ки аз ӯ “зани дуюм”-и ӯ ном мебаранд, парвандаи ҷиноӣ боз кардааст. Наздикони ин зан мегуянд духтари онҳо дар пайи фишорҳои хонаводаи ин мард, қасди ҷони худ кардааст. ТАФСИЛОТРО ДАР ИН ГУЗОРИШ ШУНАВЕД:

Додгоҳи шаҳри Маскав рӯзи 11-уми июл шаш нафарро дар қатли бераҳмонаи чанд муҳоҷир, аз ҷумла муҳоҷирони тоҷик, гунаҳкор донистааст.

Пайвандонаш мегӯянд, Саидумар Саидов, хоҳарзодаи Шамсиддин Саидов, фаъоли ҳизби дар Тоҷикистон мамнӯи наҳзати исломӣ ба шаш соли зиндон маҳкум шудааст. Дар Додгоҳи шаҳри Бохтар баррасии парвандаи Саидов бо иттиҳоми узвият дар созмонҳои мамнуъро тасдиқ, аммо аз содир шудани ҳукм бехабарӣ карданд.

Кумисюни ҳуқуқи башари Том Лантос дар Конгресси Амрико аз ҳукумати Тоҷикистон хостааст, ки вакили зиндонӣ Бузургмеҳр Ёровро фавран ва бе қайду шарт озод кунад. Изҳороти Кумисюн рӯзи 11-уми июл дар Твиттер нашр шуд.

Иҷрокунандаи вазифаи президенти Радиои Аврупои Озод/Радиои Озодӣ Ҷеффрӣ Гедмин маъракаи ҳукуматии Узбекистон дар мавриди тарс додани хабарнигорон ва бадномсозии Радиои Озодӣ танқид кард. Изҳороти Ҷеффрӣ Гедмин рӯзи 11-уми июл пахш шуд.  "Мақомоти Узбекистон аз хабарнигорони мо тавассути маъракаи тарсдиҳӣ ва шиддат бахшидани сензура интиқом мегиранд. Дар ҳоле ки метавонистанд, бо хабарҳои ростин кор кунанд. Таърих нишон медиҳад, ки вақте хонандаву бинандаи мо ба иттилои ростин ниёз дорад, онро меҷӯяд", - омадааст дар изҳороти Ҷеффрӣ Гедмин. Читать дальше...

Дар пайи тасодуфҳои мудҳиш дар роҳҳои кишвар, ки чандин нафарро қурбон кард, се мақомдори Бозрасии давлатии автомобилӣ ё ГАИ барканор шудаанд. Суҳроб Қурбонзода, сардори БДА аз мансаб ронда шуд. Эмомалӣ Раҳмон, раиси ҷумҳури Тоҷикистон, рӯзи 12-уми июл ба ҷойи ӯ Рустам Мирзомуродзодаро таъин кард.

Вазорати молияи Қазоқистон ба додгоҳи парвандаҳои шаҳрвандии шаҳри Остона бо ҳадафи бекор кардани қарори додгоҳи зинаи поёнӣ шикоят бурд. Додгоҳи зинаи поёнӣ қарор содир кард, ки вазорат бояд ба шиканҷашудаҳои ҳодисаҳои январӣ ҷуброни зарари маънавӣ пардозад. Вазорати молия мегӯяд, ҷубронро бояд ниҳоде пардозад, ки ба сокинон зарари ҷисмонӣ расонидааст. Рӯзи 26 майи соли ҷорӣ додгоҳ дар Остона талаби сокини шаҳри Уст-Каменогорск Ренат Жубаковро аз вазорати молияи Қазоқистон қисман қонеъ кард. Читать дальше...

Дар додгоҳе дар шаҳри Тошканди Узбекистон рӯзи 18 июл муҳокимаи рӯзноманигороне шуруъ мешавад, ки дар мудирияти саҳифаи телеграмии Kompromatuzb гумонбар ҳастанд. Ин саҳифа маълумоти беобрӯкунандаи мансабдоронро нашр мекард. Охири моҳи январи соли ҷорӣ мақомоти ҳифзи ҳуқуқи Узбекистон мудири нашрияи Human.uz Хуршед Далиев ва сармуҳаррири ин нашрия Муслима Мирзоҷоноваро боздошт карданд. Дертар сухангӯи пешини вазорати меҳнат Мавҷуда Мирзоева ва сухангӯи ширкати "Узбекнефтегаз" Сиявуш Ҳошимов боздошт шуданд. Читать дальше...

Додгоҳи ноҳияи Фархор қаҳрамони ба истилоҳ манфии як видеоеро, ки дар шабакаҳои иҷтимоӣ баҳси доманадореро барангехт, ҷарима бастааст. Бегаҳмад Назаровро барои задан ва осеб расондан ба ҳамсояаш Моҳихубон Тилавова ҷазои маъмурӣ доданд, вале ҷабрдида мегӯяд, розӣ нест.