Новости за 20.07.2023

Сафари ду рӯзаи Эмомалӣ Раҳмон ба Арбистони Саудӣ поён ёфт, вале мавзӯе, ки аз ин сафар бештар дар шабакаҳои иҷтимоӣ ҷанҷолӣ шуд, Халиҷи Араб номидани Халиҷи Форс буд. Таърихан, минтақае, ки эрону бархе кишварҳои арабӣ дар соҳиби баҳри Миёназамин ҷойгиранд, Халиҷи Форс номида мешавад

Блогери узбекистонӣ Asad Algo 19 июл баъди ҷарроҳии мағзи сар фавтидааст. Дар ин бора саҳифаи ӯ дар шабакаи иҷтимоии Инстаграм, ки ҳудуди 1 миллион обуначӣ дорад, хабар додааст.

Эътироз ба истифодаи истилоҳи "Халиҷи Араб" ба ҷойи "Халиҷи Форс".

Ахбори Тоҷикистон ва ҷаҳон

Раиси Кумитаи амнияти миллии Қирғизистон Қамчибек Тошиев дар ҷаласаи Девони вазирон хабар дода, ки барои таъмини бахши дифоии ин кишвар аз соли 2021 то ҳол беш аз 120 миллиард сом ҷудо шудааст.

Вазорати корҳои дохилӣ мегӯяд, алайҳи ду нафаре парванда боз кардааст, ки бо ваъдаи ба ҳаҷ бурдан аз сокинон маблағ гирифтанд. Манобеи Озодӣ гуфтанд, Фирдавс Фирдавсови 19 ва Наврӯз Ҳасанови 25-сола ба азхуд кардани ҳудуди 4 миллион доллар муттаҳам мешаванд.

Дар натиҷаи як тирпаронӣ дар хиёбони 20-уми Бруклини Ню-Йорк шаҳрванди Узбекистон Фаридун Мавлонов ҷон бохтааст. The New York Times иттилоъ дода, ки ҳодиса 17 июл рух додааст.

Дубора оғоз шудани гашти пулиси ахлоқ дар Эрон, ки либоспӯшии занонро назорат мекунад, норозигиҳо дар ин кишвар зиёд кардааст. Кори пулиси ахлоқ, пас аз марги  Маҳсо Аминӣ дар моҳи сентябри соли 2022 боздошта шуд. Аминии 22-сола ба риоя накардани ҳиҷоб  айбдор  мешуд.

Муовини шаҳрдори Чимкенти Қазоқистон Мақсуд Исахов 20 июл бо гумони фасодкорӣ дастгир шудааст.

Дар Эрон гашти пулиси ахлоқ ки дар пасманзари хашми умумимиллӣ пас аз марги Маҳсо Аминӣ дар моҳи сентябри соли 2022 боздошта шуд, дубора оғоз гардид. Аминии 22-сола ба риоя накардани ҳиҷоб айбдор мешуд. Дар саросари Эрон эътирозгарон гирди ҳам меоянд ва бархе аз онҳо фарёд мезананд, ки пулис барои занон қоидаҳои қатъии либоси мазҳабиро ҷорӣ мекунад.

Хадамоти иҷрои Тоҷикистон мегӯяд, дар шаш моҳи имсол ба феҳрасти ягонаи қарздорон номи 2600 нафари дигарро ворид кардааст, то аз кишвар берун шуда натавонанд ва қарзҳои худро ба бонк, муаассиса ва ё афроди алоҳида баргардонанд. Хадамоти мазкур бо нашри як баёнияи расмӣ гуфтааст, дар ним соли гузашта, бештар аз 850 қарздор, ки мехостанд, ба хориҷ бираванд, ба сабаби қарздориашон аз роҳ баргардонда шуданд ва баъди ин бештар аз 7 миллион сомониро қарзро баргардонданд. Дар байни ин афрод садҳо нафар соҳибкороне будаанд... Читать дальше...

Содироти молу маҳсулот аз Тоҷикистон ба хориҷи кишвар коҳиш ёфтааст. Омори расмӣ нишон медиҳад, ки Тоҷикистон содироти тилоро дар як соли ахир тамоман кам кардааст. Тоҷикистон асосан ба хориҷи кишвар тилло, алюминий, пахта ва маҳсулоти кишоварзӣ хориҷ мекунад.

Нақшаи оташ задани Қуръон боиси ҳамла ба сафорати Шветсия дар Ироқ шуд.

Ҷанҷоли ду ҳамсоя дар Кӯлоб, ки соле пеш ба кордзанӣ анҷом ёфта буд, дар долонҳои додгоҳу додситонӣ ҳанӯз давом дорад. Як ҳамсояе, ки худро ҷабрдида медонад, даъво дорад, ки кордазнро мақомот ҷазои кам додаанд. Маҳмудҷон Раҳматзода аз ду ҷониб пурсид, ки чаро ҷанҷол бузургтар шудааст.

Дар натиҷаи амалиёти "Нелегал" 130 шаҳрванди Қирғизистон аз шаҳр ва вилояти Маскав ба кишварашон ихроҷ шудаанд. Дар ин бора бахши русии Радиои Озодӣ 19-уми июл бо истинод ба консули Қирғизистон дар Маскав Манас Жолдошбеков хабар додааст. "Ин амалиёт асосан дар Маскав ва Санкт-Петербург гузаронида шуд. Дар маҷмӯъ 130 шаҳрванди Қирғизистон аз Маскав ихроҷ шудааст",-гуфтааст Манас Жолдошбеков. Қаблан Вазорати корҳои дохилии Русия хабар дода буд, ки дар натиҷаи амалиёти "Нелегал" ҳудуди ҳафт ҳазор муҳоҷир ихроҷ шуда... Читать дальше...

Назидкони рузноманигорони зиндонӣ мегуянд бо гузашти бештар аз як сол ба ҷудоӣ аз падари хонадон одат мекунанд. Вале бар душ гирифтани бори гарони зиндагӣ барояшон сахту сангин аст, зеро аксари рузноманигорони зиндонӣ ноноварони асосии оилаҳояшон будаанд.