Новости за 14.09.2023

Як вакили Думаи давлатии Русия мегӯяд, Маскавро зарур аст, бо ҳама ҷумҳуриҳои собиқи Иттиҳоди Шӯравӣ даст ба гиребон шавад ва ё онҳоро дигарбора зери итоати худ бигирад.

Сарони давлатҳои Осиёи Марказӣ дар поёни дидорашон дар Душанбе ду санади нав имзо карданд. Ҷузъиёти созишномаҳо дар бораи “таҳкими ҳамбастагии нақлиёти заминӣ” ва "самтҳои умумии сиёсати ҷавонон" нашр нашудааст.

​Сокинони чанд маҳаллаи ҷамоати Ворух дар марзи Қирғизистон мегӯянд, се рӯз боз барқ надоранд ва мақомот гуфтаанд, ба шарте мушкилро ҳал мекунанд, ки писаронашон барои хидмат дар артиш худро сабти ном кунанд. Даъват ба артиш расман аз якуми октябр бояд оғоз шавад.

Мақомоти Русия "Паём.нет", сомонаи вобаста ба гуруҳе аз мухолифони ҳукумати Тоҷикистонро бастаанд.

Раисиҷумҳури Тоҷикистон гуфт, ҷангҷӯёни "Ансоруллоҳ" нақша доштаанд, сарҳади Афғонистонро гузашта, дар Душанбе ва гӯшаҳои дигари кишвар "як силсила ҳамлаҳои террористӣ" анҷом диҳанд.

Додгоҳе дар Шарқи Дури Русия як пайрави 71-солаи "Шоҳидони Яҳво"-ро ба чаҳор сол зиндон маҳкум кард.

Ҷазои гунаҳкор ба қатли духтари панҷсолаи тоҷик вазнинтар шуд. Бар асоси ҳукми додгоҳи таҷдиди назар ё кассатсионӣ, Александр Сёмин барои қатли Ҳувайдо Тилозода ба ҳабси абад маҳкум гардид.

Вазорати иқтисоди рақамии Белгия аз танзимгари соҳаи иртиботот дар ин кишвар дархост кардааст, ки хатарҳои эҳтимолии истифодаи "iPhone 12"-ро ба саломати одамон бисанҷад.

Қарз то қиёмат.Дар Ӯзбекистон амволи қарздорон аз бонкҳо мусодира мешавад.

Дар боғи Фирдавсии шаҳри Душанбе фестивали таомҳои миллии кишварҳои Осиёи Марказӣ бо иштироки ошпазҳои номии кишварҳои минтақа ҷараён дорад.

Нишасти раҳбарони кишварҳои Осиёи Марказӣ дар Душанбе, ҳабси абади қотили духтари 5-солаи тоҷик дар Русия, фавти ҳазорҳо нафар бар асари офати табиӣ дар Либия, мусодираи амволи қарздорон дар Ӯзбекистон ва навбат барои сабти номи муҳоҷирон дар Русия.

Созмони "Access Now" ва сомонаи "Meduza" мегӯянд, нармафзори ҷосусии "Пегасус" (Pegasus) дар ибтидои имсол ба телефони дастии муассис ва мудири расона Галина Тимченко роҳ ёфтааст.

Баъзе аз раҳбарони кишварҳои Осиёи Марказӣ тақсими баробари захираҳои обро дар миён гузошта, дигарон аз тиҷорату фаъолшавии тундгароён ва ҳифзи амнияти минтақа сухан гуфтанд.

Порлумони Аврупо аз Додгоҳи байнулмилалии ҷиноӣ даъват кардааст, ки масъалаи қарори боздошти президенти Беларус Александр Лукашенкоро баррасӣ кунад.

Рӯзи 14-уми сентябр дар шаҳри Алматои Қазоқистон бахшида ба 70-солагии бахшҳои Радиои Аврупои Озод/Радиои Озодӣ дар Осиёи Марказӣ форуми расонаҳо шуруъ шуд.

Илҳом Алиев, раиси ҷумҳурии Озарбойҷон, рӯзи 14-уми сентябр ба таври ногаҳонӣ ба Душанбе омад ва бо президент Эмомалӣ Раҳмон гап зад.

Департаменти давлатӣ ё Вазорати корҳои хориҷии Амрико гуфт, хабарҳои Русия дар бораи ҳамкорӣ бо Кореяи Шимолӣ дар барномаҳое, ки метавонанд қатъномаҳои Шӯрои амнияти СММ-ро вайрон кунанд, "ташвишовар" аст.

Чин (Хитой) кишвари нахустине шуд, ки сафирашро ба Афғонистон фиристод. Ин ҳамсояи Тоҷикистон зиёда аз ду сол боз зери итоати "Толибон" аст ва то кунун ҳеч давлат аморати исломии ин гуруҳи тундравро ба расмият нашинохтааст.

Раисони идораҳои давлатӣ ва созмонҳои иҷтимоии Узбекистон 10-уми сентябр дар ҷаласае дар бинои Девони вазирон "ифротгароии динӣ"-ро дар он кишвар баррасӣ карданд.

Раҳбарони Тоҷикистон ва Қирғизистон ҳамкории ду кишварро, ки беш аз ду сол боз ба далели муноқишаҳои сарҳадӣ муносибати хуб надоранд, баррасӣ кардаанд.

Бозиҳои даври севум ва охирини марҳалаи интихобии Ҷоми Осиё-2024 миёни дастаҳои ҷавонони то 23-сола, ки 12-уми сентябр баргузор шуданд, ҳамаи тимҳои мунтахаби иштироккунандаи қисми ниҳоии мусобиқотро дар Қатар муайян карданд.

Додгоҳи таҷдиди назар (кассатсионӣ) дар Русия Александр Сёмин, гунаҳкор ба қатли Ҳувайдо Тиллозода, духтари панҷсолаи тоҷикро ба ҳабси абад маҳкум кардааст.

Баъзе аз ширкатҳои фароҳамкунандаи интернет дар Қирғизистон дастрасӣ ба хабаргузории мустақили "Kloop.kg"-ро маҳдуд кардаанд. Масъулони "Kloop.kg" гуфтаанд, ширкатҳои мобилии "О!" ва "Homeline" талаби Вазорати фарҳанги Қирғизистонро дар бораи масдуд кардани сомона аллакай иҷро намудаанд. Онҳо мегӯянд, бо вуҷуди масдудшавии сомона талаби Вазорати фарҳанги Қирғизистон дар бораи пок кардани матлабҳои танқидиро иҷро нахоҳанд кард. Дар ҳоли ҳозир хондани матлабҳои хабаргузорӣ танҳо тавассути барномаҳои филтршикан имкон дорад. Читать дальше...

Чин нахустин кишваре шуд, ки сафири худро дар Афғонистон баъд аз сари қудрат омадани гуруҳи Толибон расман таъйин мекунад. Сафири Чин эътимодномаи худро зимни як маросими расмӣ дар шаҳри Кобул ба сарвазири ҳукумати Толибон дар Афғонистон супурдааст. "Ҳадаф идомаи рушди муколама ва ҳамкориҳо миёни ду кишвар мебошад. Сиёсати Чин нисбат ба Афғонистон возеҳ аст", - гуфтааст намояндаи Вазорати умури хориҷии Чин. Ин бори нахуст аст, ки як кишвари хориҷӣ баъди сари қудрат омадани Толибон дар моҳи... Читать дальше...

Президенти Узбекистон Шавкат Мирзиёев ҳафтаи оянда ба Амрико сафар ва дар 78-умин ҷаласаи Маҷмаи умумии СММ суханронӣ хоҳад кард. Сухангӯи президенти Узбекистон Шерзод Асадов гуфт, Мирзиёев дар доираи ин сафар "дар мубоҳисаҳои сиёсии сатҳи баланд иштирок ва дар ҷаласаи Маҷмаи умумии СММ дар шаҳри Ню-Йорк суханронӣ мекунад. Ҳамчунин президенти Узбекистон бо даъвати ҳамтои амрикоияш Ҷо Байден дар нахустин саммити раҳбарони ИМА ва кишварҳои Осиёи Марказӣ иштирок менамояд.