Новости за 12.01.2024

Тими миллии футболи Тоҷикистон дар қисминиҳоии Ҷоми Осиё, ки аз 12-уми январ то 10-уми феврал дар Қатар доир мегардад, аввалин бозиашро бо мунтахаби Чин баргузор мекунад.

Вазъи сиҳатии Мирзоҳалим Каримов, нависанда ва журналисти тоҷик, ки муқими Қирғизистон аст, бад шудааст. Ӯ аз дарди шадиди гурда ва чанд бемории дигар ранҷ мекашад.

Раҳбарони КДАМ-и Тоҷикистону Қирғизистон гуфтаанд, ки 15 километри дигари марзи баҳсӣ дар миёни ду кишварро муайян кардаанд.

Наққоши тоҷик Вафо Назаров даргузашт

Вокуниши Тоҷикистон ба гузориши дидбони ҳуқуқи башар.

Мақомоти марзбонии Лаҳистон (Полша) ба Аслиддин Шерзамонов, писари Алим Шерзамонов, фаъоли мухолифини тоҷик дастур додаанд, ки хоки ин кишвар ва Иттиҳоди Аврупоро тарк кунад.

Додгоҳи байналмилалии СММ дар Гаага баррасии шикоят алайҳи Исроилро бо иттиҳоми қатли омми сокинони навори Ғазза оғоз кард.

Намояндагони Исроил рӯзи 12-уми январ дар додгоҳи ҷиноии Гаага (Лоҳа) гуфтанд, ки ин кишвар дар Ғазза ба наслкушӣ даст назадааст.

Ҳафт нафаре, ки дар натиҷаи садамаи нақлиётӣ дар ноҳияи Нижний Ломови вилояти Пензаи Русия ҷон бохтанд, шаҳрвандонги Узбекистон будаанд.

Кормандони ширкати пармакунии "Великая стена" дар шаҳри Актауи Қазоқистон ба унвонии президенти ин кишвар Қосимҷомарт Тоқаев муроҷиатномаи видеоӣ нашр карданд.

Вазири нақлиёти Тоҷикистон аз мошинҳои гаронвазн дар роҳҳои кишвар нигаронӣ карда гуфтааст, чунин нақлиётҳо роҳ ва пулҳоро қабл аз муҳлат хароб мекунанд.

Неруҳои Иёлоти Муттаҳида ва Британия шаби 11 ба 12-уми январ ба мавзеъҳои гуруҳи шӯришии ҳусӣ дар Яман ҳамла кардаанд. Ба эҳтимоли зиёд ин аввалин зарбаҳои неруҳои амрикоӣ ба мавзеъҳои ҳусиҳо баъди соли 2016 аст.

Додситонии кулли Қирғизистон нисбати кормандони маҳбаси №31 дар пайи марги Арстанбек Абдилдаев, ки ҳамчун Арстан Алай маъруф буд, парванда боз кардааст. Дар ин бора додситонии он кишвар 11 январ хабар дод.

Додситони кули Тоҷикистон таҳқиқи парвандаи Акмал Юсуфзода, подполковники Вазорати корҳои дохилиро ба анҷом расондааст. Юсуфзода ба рабудани Исмоил Раҳмонов, омӯзгори Донишгоҳи тиҷорат муттаҳам аст.

Ҳабси Куандик Бишимбоев, вазири пешини иқтисоди миллии Қазоқистон, ки дар қатли ҳамсараш айбдор мешавад, ду моҳи дигар дароз карда шуд.

Дар Белорус сомона ва саҳифаҳои "Настоящее Время"-ро тундгароёна эълом карданд. Дар ин бора додгоҳе дар Белорус 5-уми январ қарор қабул кардааст.

Мақомоти Узбекистон рӯйхати маводеро нашр карданд, ки ба гуфтаи онҳо муҳтавои экстремистӣ ва террористӣ доранд. Воридсозӣ, нашр, паҳнгардонӣ ва муаррифии онҳо дар ҳудуди Узбекистон манъ аст.