Даъвати Эрон ба баргузории машқҳои муштараки амниятӣ бо Тоҷикистон
Хабаргузории “Меҳр”-и Эрон рӯзи 29 апрел навишт, дар мулоқоти ахири вазирони мудофеаи Эрон ва Тоҷикистон вазири дифои Эрон Муҳаммад Ризо Оштиёнӣ аз ҳамтои тоҷикаш Шералӣ Мирзо даъват кардааст, ки тавонмандиҳои дифоии кишварҳоро ба вижа дар бахши мубориза бо терроризм тақвият диҳанд. Ин мулоқот, ба навиштаи “Красная звезда”, имрӯз дар шаҳри Деҳлӣ, пойтахти Ҳинд дар ҳошияи ҷаласаи Созмони ҳамкориҳои Шонгҳой барпо шудааст.
Оштиёнӣ даъват кардааст, ки Эрону Тоҷикистон машқҳои муштараки амниятӣ барпо кунанд. Ба таъкиди вазири дифои Эрон, тақвияти равобити дифоии ду кишвар яке аз бахшҳои муҳими ҳамкориҳои дуҷониба мебошад. Ба қавли “Меҳр”, Оштиёнӣ гуфтааст, ки Тоҷикистон ва Осиёи Марказӣ дар сиёсати Эрон муҳим арзёбӣ мешавад.
Мавқеи Тоҷикистон ва ҳам посухи вазири дифои ин кишвар ба даъвати ҳамкори эрониаш нашр намешавад.