Новости за 10.02.2023

Türkiýede bolan betbagtçylykly ýer titreme bu ýurtda ýaşaýan türkmen raýatlaryna hem täsir ýetirdi. Ýutda ýüzlerçe müň türkmenistanly ýaşaýar. Bu ýagdaýda türkmen ýolbaşçysynyň Türkiýedäki raýatlaryna howandarlyk etjegi barada aýdyp, onlarça ýylyň dowamynda ikinji gezek eden şeýle resmi çykyşy Türkiýedäki türkmenistanlylarda hem geň galma, hem-de umyt döretdi. 8-nji fewralda Halk Maslahatynyň başlygy öňki prezident Gurbanguly Berdimuhamedow türkmen telewideniýesinde görkezilen çykyşynda Türkiýedäki... Читать дальше...

Türkiýede bolan ýer yranmalarynda heläk bolan türkmenistanlylary anyklamak ugrunda edilýän tagallalar, şeýle-de asyryň iň heläkçilikli ýer yranmasyndan türkmen häkimiýetleriniň we türkmenistanlylaryň almaly sapaklary baradaky söhbetdeşliklerimizi diňläp, öz pikir-garaýyşlaryňyzy aýtmaga çagyrýarys.

Mary welaýatynyň birnäçe etrabynda ýaşaýjylaryň suw üpjünçili bilen bagly problemalary ýitileşýär. Hususan-da, oba ýaşaýjylary özleriniň suw zerurlyklaryny üpjün etmek üçin ýaplaryň suwundan peýdalanmaga mejbur bolýarlar.

Lebap welaýatyndaky Farap gümrük nokadyna barýan ýolda ýerli ýük ulaglarynyň uly nobaty emele geldi. Şu günler bu ýerdäki ýük ulag kerweniniň uzynlygy bäş kilometre çenli uzap gidýär. Sürüjiler Özbegistan bilen aradaky Farap-Alat gümrüginden geçmek üçin bir hepdä golaý nobatda garaşmaly bolýandyklaryny aýdýarlar. Bu çäklendirme diňe ýerli ýük ulaglaryna degişli bolup, häkimiýetler daşary ýurt ýük ulaglarynyň ýurduň çäginden üstaşyr geçmegini bökdençsiz üpjün edýärler.

Türkiýede şu hepde bolan weýrançylykly ýer titremesinde heläk bolan ilkinji türkmen raýatlary barada maglumatlar gowuşýar. Türkmen häkimiýetleri ýer sarsgynynda ejir çekenleriň arasynda öz raýatlarynyň bardygyny boýun alsalar-da, olaryň sany barada açyk maglumat bermeýär. Bu aralykda, heläkçilikli tebigy harasat Türkiýede ýaşaýan we zähmet çekýän türkmenleriň arasynda raýdaşlygy, birek-birege bolan hemaýaty artdyrdy.

Türkmenistanyň günorta-günbatarynda ýerleşýän Akpatlawuk wulkany gaýnap başlady diýip, “MIR 24” teleýaýlymy habar berýär. Depäniň beýikligi 60 metrden gowrak, halk içinde ol "Ak wulkan" diýlip atlandyrylýar, adamlar ony janly organizm bilen deňeşdirýärler, gaýnag wagtynda kraterden uludan dem alynýan ýaly ses eşidilýär diýip, habarda aýdylýar. Çogup çykýan suwly, çökündi we nebit garnuwly läbikden kükürt ysy gelýär. “Wulkan dürli sebäplere görä oýanyp biler. Gazlaryň bir ýerlerde toplanan bolmagy ähtimal... Читать дальше...

Türkmenistanyň daşary işler ministriniň orunbasary Mähri Bäşimowa ABŞ-nyň Aşgabatdaky ilçisi Metýu Klimou bilen duşuşyk geçirdi. Türkmen DIM-niň 9-njy fewralda çap eden habarynda aýdylmagyna görä, duşuşygyň barşynda türkmen-amerikan gatnaşyklarynyň syýasy, medeni-ynsanperwer we beýleki ugurlaryndaky ýagdaýy we ösüşi ara alnyp maslahatlaşyldy. Taraplaryň bilim we medeniýet ulgamynda, ylmy-gözlegler ugrunda halkara gatnaşyklaryny ösdürmäge, taryhy-medeni ýadygärlikleriň öwrenilmegi, goralmagy we... Читать дальше...

22 ýaşly Mahsa Amininiň polisiýa tussaglygynda aradan çykmagy sebäpli başlanan we tutuş ýurdy gaplap alan halk protestlerini goldanlaryndan soň, eýranly uniwersitet professorlarynyň iki sanysy işinden çetleşdirildi. Tähranyň Sungat uniwersitetiniň Teoretiki ylymlar fakultetiniň agzasy Amir Maziar 7-nji fewralda işinden çetleşdirilýändigi barada alan hatyny çap etdi we şol uniwersitetiň şol bir fakultetiniň başga bir agzasy Koruş Golnari hem özüniň şuňa meňzeş hat alandygyny ýazdy. Maziar öz kärdeşleriniň... Читать дальше...

Türkiýede şu hepde bolan weýrançylykly ýer titremelerinde ölenleriň sany 18 342-e ýetdi, ýaralananlaryň sany 74242 adam boldy diýip, ýurduň Betbagtçylyklar we adatdan daşary ýagdaýlar edarasy 10-njy fewralda aýtdy. Türkiýäniň günortasyndaky ýer titremesinden ejir çekenleriň 75,780 sanysy hadysanyň bolan ýerlerinden ewakuasiýa edildi, halas ediş we kömek işlerine 121,000-den gowrak işgär gatnaşdy diýip, habarda bellenýär. Şeýle-de, ýer yranmalaryndan soň, bu sebitde ýeriň 1,509 gezek sarsandygy aýdylýar. Читать дальше...

Türkmenistan bilen Hytaýyň arasyndaky özara söwda dolanyşygy geçen ýyl 11,181 milliard ABŞ dollaryndan geçdi diýip, “Biznes Türkmenistan” neşiri Hytaýyň gümrük gullugyna salgylanyp habar berýär. Bu görkeziji iki ýurduň arasyndaky söwda dolanyşygynyň, 2021-nji ýyl bilen deňeşdirilende, 52% ýokarlanandygyny aňladýar. Habarda aýdylmagyna görä, Aşgabat bilen Pekiniň özara söwda dolanyşygy 2021-nji ýylda 7,35 milliard ABŞ dollaryndan geçipdir. Türkmenistan 2022-nji ýylda Hytaýa 10,31 milliarddan gowrak ABŞ dollaryna durýan önüm iberipdir we... Читать дальше...

Azat Ýewropa/Azatlyk radiosynyň Özbek gullugynyň geçiren derňewinde Özbegistanyň energiýa pudagynda rus işewürleri, şol sanda prezident Wladimir Putiniň ýakyn ýarany, tüçjar Gennadiý Timçenko bilen bagly korrupsiýa baradaky içerki aýyplamalaryň üstüni açdy. Özbeg gullugy (Ozodlik radiosy) tarapyndan geçirilen derňewde özbek we rus insiderleriniň, ýagny içerdäki işgärleriň Özbegistandaky ýüzlerçe gaz ýatagyny nädip gözegçilige alandyklary, girdejili gurluşyk, buraw we eksport hukuklaryna nädip eýe bolandyklary jikme-jik görkezilýär. Читать дальше...