Новости за 13.02.2023

12-nji fewralda Mary welaýatynyň Garagum etrabynyň çäklerinde uzakly gün ýagyş ýagdy. Munuň netijesinde, etrabyň käbir geňeşliklerinde elektrik üpjünçiligi ençeme sagatlap kesildi. Şeýle-de, uzakly gün ýagan ýagyş geňeşlikleriň asfaltlanmadyk köçelerinde batgalyklary emele getirdi. "Garagumyň 'Ak altyn' daýhan birleşiginiň käbir geňeşliklerinde tok öçdi. Toguň ençeme sagatlap kesilmegi adamlaryň gündelik durmuşynda käbir bökdençlikleri döretdi. Adamlar elektrik peçlerini ulanyp bilmändigi sebäpli... Читать дальше...

Türkmenistanda soňky döwürde gurlan binalaryň hili pes diýip, gurluşyk ugrundan bilermenleriň birnäçesi bilen söhbetdeş bolan habarçymyz aýdýar. Bilermenler Türkiýede bolan soňky ýer titremede binalaryň ýumrulmagyna olaryň ençemesiniň hil taýdan talaba laýyk bolmanlygy bilen baglanyşdyrýarlar. Azatlyk Radiosynyň Aşgabatdaky habarçylary seýsmiki taýdan howply ýerde ýerleşýän türkmen paýtagtynda we onuň töwereginde täze gurulýan iri desgalaryň ýagdaýy bilen gyzyklandy.       Paýtagtda gurulýan Aşgabat-siti... Читать дальше...

Türkmenabadyň polisiýasy 11-nji fewralda Garaşsyz diýar köçesiniň (öňki Puşkin köçesi) ugrunda ýerleşýän bir awtomobil köprüsiniň aşagyndaky emeli bazarda reýd geçirdi. Polisiýa işgärleri köne öý goşlary satylýan emeli bazarda söwdanyň gadagan edilýändigini aýdýar. Bazar satyjylary polisiýa gadaganlygyna gykylyk edip, garşylyk bildirýär. Köpriniň aşagynda ýerleşýän köne bazar ýaňy ýakynda durky täzelenip, ulanylmaga berlen Merkezi bazaryň golaýynda ýerleşýär. Emeli bazarda köne stol, stul, şkaf we diwan ýaly ulanylan mebeller satylýar. Читать дальше...

Mary welaýatynda Garagum derýasynyň öz akymyny üýtgedip, çöle tarap akyp başlan böleginiň öňi beklenýär. Tas bir aýa golaý wagtdan soň başa barandygy aýdylýan bu çäräniň yzysüre, häkimiýetler bu işlere gatnaşan tehnikalar üçin sarp edilen ýangyjyň möçberini derňäp başladylar. "Niçka obasynyň golaýyndaky 'Üçajy' atly ýerde Garagum derýasynyň çölüň içine akýan bölegi ýapyldy. Bu işlere gatnaşmaga giden döwlet edaralarynyň, hususy kärhanalaryň işgärleri we hakyna tutulan işçiler öýlerine dolandylar. Читать дальше...

Türkiýede geçen hepde bolan weýrançylykly ýer titremesinde heläk bolanlaryň we şikes alanlaryň sany artýar. Türkmen häkimiýetleri betbagtçylyga duçar bolanlaryň arasynda türkmenistanlylaryň hem bardygyny boýun alsalar-da, anyk ýa-da golaý sanlary äşgär etmeýärler. Bu aralykda, sosial torlarda tebigy hadysanyň netijesinde heläk bolandygy aýdylýan türkmenistanlylaryň näresmi sanawy paýlaşylýar. Türk häkimiýetleriniň 13-nji fewralda beren maglumatyna görä, 6-njy fewraldaky ýer sarsgynyndan bäri heläk bolanlaryň sany 31 müňden geçdi. Читать дальше...

Türkmenistanyň Halk maslahatynyň başlygy Gurbanguly Berdimuhamedow BAE-niň prezidenti Şeýh Mohammed bin Zaýed Al Nahaýýanyň çakylygy esasynda Abu-Dabi şäherine resmi sapar etdi. 11-12-nji fewral aralygynda bolan saparda taraplar BAE-niň iri nebitgaz kompaniýalarynyň Türkmenistanyň “Galkynyş” gaz käniniň nobatdaky tapgyrlaryny özleşdirmäge işjeň gatnaşmaklary boýunça ylalaşyga geldiler diýip, “Biznes Türkmenistan” neşiri habar berýär. Saparyň barşynda “Türkmengaz” döwlet konserni bilen Abu-Dabiniň... Читать дальше...

Tanymal kinoçy Mohammad Rasulof ýedi aý tussaglykdan soň, 12-nji fewralda Tähranyň Ewin türmesinden boşadyldy. 2020-nji ýylda düşürilen "Şer ýok" filmi üçin Berlin film festiwalynda baş baýragy alan Rasulof iýul aýynda, ýurduň günorta-günbataryndaky Abadan şäherinde çöken binada ölen adamlar sebäpli gurnalan protestleriň hökümet tarapyndan basylyp ýatyrylmagyny tankyt edendigi üçin tussag edildi. Rasulof, beýleki döredijilik işgärleri we aktiwistler bilen birlikde, häkimiýetleri ‘ýaraglaryny taşlamaga’ çagyrýan beýannama gol çekdi. Читать дальше...

Türkiýede we Siriýada bolan güýçli ýer titremesinden bir hepde töweregi soň, halas edijiler 12-nji fewralda harabalykdan has köp adam çykardylar. Şu aralykda türk häkimiýetleri betbagtçylyk zolagyndaky tertip-düzgüni saklamaga çalşyp, ýykylan jaýlar sebäpli kazyýet işlerine başladylar. Gyrak-bujakda diri galanlary tapmak umydynyň arasynda, gözleg işleriniň dowam etdirmegi bilen, ýer titremelerinden we soňky sarsgynlardan iki ýurtda ölenleriň sany, tassyklanan maglumatlar esasynda, 35 müňden geçdi, has anygy,  35,224 adam boldy. Читать дальше...

Özbegistanyň iň sowuk gyşlaryň birinde, gaz we energetika ulgamlarynda bolan heläkçilikler wagtynda, prezident Şawkat Mirziýoýew ýanwar aýynda, ýokary wezipeli resmileri we tehnokratlary bu krizisiň jogapkäri atlandyryp, wezipelerinden boşatdy. «Men her bir maşgala, sowukdan ejir çekýän her bir adam barada, gaty alada galýan hem biynjalyk bolýaryn – diýip, Şawkat Mirziýoýew 16-njy ýanwarda geçirilen ýygnakda, ýagny Daşkent şäheriniň häkimini wezipesinden boşatmagynyň öň ýany eden çykyşynda aýtdy. Читать дальше...